Qazirgi qoldanystaǵy 42 áripten turatyn álipbı – jasandy álipbı, deıdi Shaıahmetov atyndaǵy tilderdi damytý jónindegi respýblıkalyq úılestirý-ádistelemlik ortalyǵynyń dırektory Erbol Tileshov, dep jazady Qamshy.kz aqparat agenttigi.

«Búgnigi qoldanystaǵy qazaq tiliniń álipbıinde 42 árip bar. Biz belgiler men áripterdi emes, dybystardy sanaýymyz kerek. Qazaqsha dybystar bar ma? 42 árip – ol jasandy álipbı. Qazaq tilinde ondaı dybystar joq. Máselen, aǵylshyn tiliniń álipbıinde 26 árip, 44 dybys bar. Olar 44 dybysty 26 belginiń kómegimen qoldanady. Al bizde kerisinshe, 28 dybys, 42 árip bar. Bul durys emes», – dedi Erbol Tileshov Ortalyq komýnıkasıalar qyzmetiniń baspasóz máslıhatynda.

Tileshovtyń aıtýynsha, Ia jáne Iý syndy áripter qazaq tilinde de, orys tilinde de joq. «Orys tilinde Ia – ıa, Iý – ıý degendi bildiredi. Ondaı áripterdiń qandaı qajettiligi bar? Qazaq tilinde, sondaı-aq jińishkelik belgisi men aıyrý belgisin de ustaýdyń qajettiligi joq. Bizde sıngormanızm jińishkelik belgisimen emes, býynmen anyqtalady», - dep túsindirdi Tileshov.

Sol sebepti, qazaq tiliniń túpnusqalyq dybys júıesine negizdelip, latyn álipbıindegi qazaq tiliniń jańa nusqasynda 26 árip anyqtalǵanyn aıtty. Sondaı-aq, eń aldymen qazaq tiliniń dybystyq júıesiniń qamatamasyz etilýi kerek ekenin eskertti.

Budan bólek, Tileshov aǵylshyn tilimen salystyrǵandarǵa da jaýap berdi.

«Latyn álipbıi – aǵylshyn álipbıi emes. Aǵylshyn tili latyn álipbıi negizinde jasalǵan, qazaq tili de solaı bolmaq. Tildi álipbımen shatastyrýdyń qajeti joq. Fransýz tili de latyn álipbıiniń negishinde jasalǵan. Sony eskereıik», - dedi Shaıahmetov atyndaǵy tilderdi damytý jónindegi respýblıkalyq úılestirý-ádistelemlik ortalyǵynyń dırektory.