Amerıkalyq sarapshylar jyldyń úzdik avtokólikterin anyqtady, dep jazady sheteldik BAQ.

Saýalnamaǵa shamamen 350 myń amerıkalyq júrgizýshi qatysty.

Olarǵa óz mashınalarynyń jaılylyq deńgeıi, jóndeý quny, sapasy, tıimdiligi, basqarylýy jáne dınamıkalyq kórsetkishteri boıynsha suraqtar qoıyldy.

Saýalnama nátıjeleri boıynsha,  jyldyń úzdik avtokóligi bolyp qatarynan ekinshi ret elektrlik sedan Tesla Model S tanyldy. Osy kólikti tizgindegenderdiń 98 paıyzy qaıta osy kólikti alǵylary keletinin aıtqan.

Sarapshylar árbir segmentte úzdik modelderdi atady. Sport kólikteriniń ishinde Chevrolet Corvette Stingray (95%) úzdik dep tanyldy. Mazda6 (81%) úzdik ortasha kólemdi avtokólik atandy.

Úzdik avtokólik - Mercedes-Benz E-Class (88%), al jol talǵamaıtyn kólikter ishinen eń tańdaýlysy - Porsche Cayenne (87%) bolyp shyqty.  Pıkaptardyń ishinde birinshi orynda - Ford F-150 (80%).

"Qazaqparat"