Qazaq topyraǵyna taekvondo sportyn ala kelgen, alty alashtyń aıbynyna aınalǵan aıboz uly – Mustafa Óztúrik týraly «Alashtyń aıboz uly» atty derekti fılm túsirilip, jurtshylyqqa usynyldy. «KTK» arnasy tapsyrysy negizinde dúnıege kelgen týyndy Stambýl (Túrkıa), Múnhen (Germanıa) jáne Almaty qalalarynda túsirilgen.

Qazaqstanda taekvondo federasıasynyń negizin qalaýshy, sportyń saıypqyran sańylaǵy Mustafa Óztúrikbıyl kózi tiri bolǵanda 60 jasqa tolar edi. Ókinishke oraı, dańqty tulǵaǵa 23 qarasha kúni mereıtoıyn halqynyń ortasynda toılaý baqyty buıyrmaǵan eken. Búgin dańqty tulǵanyń ómir jolyna arnalǵan«Alashtyń aıboz uly» atty derekti fılm jaryqqa shyqty. Joba avtory – Arman Shoraev bolsa, rejıseri – Murat Belgibaev.

- Fılm jobasy avtory – Arman Shoraev. Negizinen «KTK» arnasy tapsyrysy negizinde túsirildi. Túsirilim Stambýl, Múnhen jáne Almaty qalalarynda ótti. Vıza máselesimen qosa alǵanda 45 kúndeı ýaqyt jumsaldy. Týǵan kúni qarsańynda bitken bolatyn. 60 jyldyǵyna oraı uıymdastyrylǵan konsertte kórsetilýi kerek edi. Biraq, ánshi-bıshilerdiń óner kórsetýi qorytyndysynda ýaqyt jetispeı qaldy. Nátıjesinde búgin ǵalamtor betterinde jarıalandy. Bala-shaǵasy, Stambýldaǵy týystary, barlyǵy fılmde qamtyldy. Sonymen qatar, derekti fılmde eksklúzıv beınebaıandar bar. Olardy tabý ońaı bolǵan joq, biraz ýaqyt ketti, - dedi senarı avtory – Raýan Oqas.

Derekti fılmde Mustafa Óztúrik ómiriniń san belesi men bederi tolyq qamtylǵan. Ol týraly aıtylǵan pikirler de taekvondodan 6-shy dan ıegeriniń jan-dúnıesin asha túsken. Endeshe «Alashtyń aıboz uly» derekti fılmin qaraı otyryńyz.

Derekkóz: Massaget