Rozolı úshin jylannyń ishinde eshqandaı jaraqat almaı jatýǵa múmkindik beretin arnaıy kostúm tigildi. Ol úsh saǵattyq aýamen qamtylǵan. Odan bólek, jylanǵa jutylǵan adamnyń hali týraly málimet beretin arnaıy dachık te ornatylypty. Bolǵan jaıttyń bárin natýralıs kameraǵa túsirdi. Tájirıbe barysynda jylan da, jigit te zardap shekken joq. Sebebi jylan Rozolıdi jemeı qoıǵan. «Taǵamdy» tartymdy etý úshin ústinen shoshqanyń qany da quıylypty. Dese de, synaqqa qatysqan jigitti biraz tentiretken tiri jan aqyry sońynda tábeti quryp, ony jutýdan bas tartqan. Natýralısiń aıtýynsha, anakonda mekendeıtin jerde jylannyń bul túri adamǵa shapty degen aqparat jıi kezdesedi. Alyp reptılıa adamnan da úlken tirshilik ıelerin esh qıyndyqsyz juta salatyn kórinedi. «Bastapqyda ol meni jegisi kelmedi, - degen tájirıbesimen bólisti zertteýshiler. – Men jabaıy ań sıaqty syńaı tanytyp, jylan menen qorǵana bastady. Eń sońǵy kórgenim jylannyń keń ashylǵan apany boldy. Keıin ol meniń aıaǵymdy orap, shalyp qulatty. Men kıimim qalaı syqyrlap jatqanyn estidim». Rozolı synaq barysynda qatty sasqalaqtap, ishteı klaýstrofobıa syndy qorqynysh bolǵanyn moıyndady. Alyp jylanmen arpalys shamamen bir saǵatqa sozyldy. Zertteýshiniń aıtýysha, anakonda aman-saý. «Synaq kezinde bolǵan jaıtty veterenar baqylap otyrdy, - dep áńgimeledi Rozolı Discovery News-ke bergen suhbatynda. – Men jylannyń ómirine qaýip tóndirip, úlken kúızeliske ushyratatyndaı eshqandaı áreketke barmas edim». Ol sondaı-aq bul sharanyń Amazonıada anakondalardy saqtap qalý úshin qarajat jınaý maqsatynda arnaıy uıymdastyrylǵanyn tilge tıek etti. (Bas sýret maqalamen qatyssyz) Derekkóz: Bnews.kz