Dókeı kabınetinde otyr. Qaǵazdaryn jınastyryp, shyǵarda hatshysyna: 
— Búgin Astanadan meniń qurmetti qonaǵym kele jatyr. Uıat bolmasyn, bir ádemi qurbyńdy daıyndap qoı. Tórteýmiz ǵana otyramyz. «Demalatyn» jerdi qosymsha habarlaımyn.

Úıinde áıeli bóten erkekpen zvandasyp, sybyrlasyp, syrlasyp júr. Anda-sanda trýbkany súıip-súıip qoıady. Boıjetken qyzy teleserıal kórip otyr. Sheshesine qarap qoıady. Bylq eter emes. Sheshesi trýbkany súıip, qımaı qoshtasady. 
Dókeı úıine keledi. Dıvanda otyrady. Áıeli: 
— Qyzyń atestatyn aldy. Dırektoryna, mektep meńgerýshisi aıtyp jatyp baǵalaryn da týraladym. Endi jumys-jumys deı bermeı, qalaǵa aparyp, oqýǵa ornalastyryp kelseńshi. Bireýge jaýtańdatpaı, jataqhanada qaıyrshynyń kúıin keshkizbeı, páter alyp ber ózine. Qatarynan kem bolmaı oqysyn. 
Dókeı daýystap: 
— Jansulý!, —deıdi. Qyzy keledi. 
— Qandaı oqýǵa túskiń keledi? 
— Báribir, áıteýir muǵalim bolmasam boldy. 
— Muǵalimniń nesi jaman eken? 
— Qoıshy, ómir boıy mıymdy ashytyp mektepte júrem be, jyndy sıaqty. 
— Endi kim bolǵyń keledi? 
Qyzy ıyǵyn qıqań etkizedi. Sheshesi: 
— Nesin suraı beresiń? Qaı oqýda jaqsyraq tanysyń bolsa, soǵan apara bermeısiń be? Balanyń mıyn ashytyp… 
— Oıbaı-aý, túsirýin túsiremin ǵoı. Biraq adamnyń óz oılaǵan maqsaty bolý kerek emes pe? 
— Bastyq bolǵym keledi, —deıdi qyzy. Bári kúledi. 
— Sóıtpeısiń be baǵanadan beri...

Ákesi, qyzy, shopyry aýdannan shyǵyp keledi mashınamen. Qalaǵa jetedi. 
Restoranda ýnıverdiń dekanymen birge dastarhanda otyr. Dekan: 
— Ózim oqytam, ózim qadaǵalaımyn. Qyzyńyz tek qana sabaqqa kelip tursa boldy, qalǵanyn ózim retteımin. Ákesi: 
— Meniń de estigim kelgeni osy sóz edi. Myna portfeldegi menen sizge syılyq bolsyn. Al ishinde aıtqan aqshańyz tolyq bar. Keıinirek taǵy kerek bolyp jatsa, habar berersiz. Jetkizemiz! Jetkizý úshin júrmiz ǵoı osynda! 
Ekeýi qol alysady.

Túnjarymda qyz dıskotekada julqynyp bılep júr. Mýzyka bitedi. Úsh-tórt qyz-jigit qushaqtasyp shyǵyp mashınaǵa minip ketedi. 
Áıeli televızor kórip telefonmen sóılesip otyr: 
— Qaınym-aý, aǵań taǵy komandırovkaǵa ketti. Áıeline qaraýǵa ýaqyty joq. Búgin keshke úıge kelseńshi! Bilesiń ǵoı, úıde eshkim joq. Sen jaqsy kóretin tamaqty daıyndap qoıamyn. 
Sylqyldap kúledi. 
— Aldymen kelseńshi, qalǵanyn kóremiz ǵoı. 
Áıeli televızor kanalyn aýystyryp otyrady. Aýystyrǵan kanalynda ımam ýaǵyz aıtyp otyr: «Quranda zınashy erge zınashy áıel laıyq, múshrik erge múshrik áıel laıyq ekeni anyq aıtylǵan», —degende, áıel jaqtyrmaı, telekanaldy aýystyryp jiberedi.

Dókeı qonaq úıge kelip ornalasady. Gazetten «qyz» izdeıdi, zvondaıdy. Bir áıel sóılesedi: 
— Qansha jastaǵy bolsyn. Ulty kim bolsa da meıli me? Álde ózimizdiń qarakózderden jibereıin be?.. Árıne… Árıne… Bárin ózi jasaıdy, uıatqa qaldyrmaıdy. 

Qyz ákesi ornalasqan qonaq úıge jeńgetaı áıeldiń «arnaıy shaqyrtýymen» kele jatyr. Baspaldaqpen kóterilip keledi. Kókiregin ashyp qoıady. 
Dókeı ándetip televızor qoıyp, átir seýip, stoldy jaınatyp qoıǵan. 
Qyz esikti qaǵady. Dókeı esikti ashyp, qyzyn tanyp, júregin ustap qulaıdy. «Jedel járdem» mashınasy kóshede kele jatyr. 
«Neniń qyzyǵyn kóp kórseń, sonyń kúıigin bir tartasyń»...

Áńgime Áset Ássandıdiń feısbýk paraqshasynan alynǵan