Japonıada qardyń shamadan tys mólsherde túskeni sebepti 9 adam qaza tapty. Bul týraly RIA Novostı habarlaıdy.

Qaza tapqandardyń basym kópshiligi aýladaǵy qardy tazalap jatqan kezinde oqys oqıǵaǵa tap bolǵan. Tokamatı qalasynda egde tartqan kisi úı tóbesin úıilgen qardan tazalamaqshy bolǵanda shatyrdan qulap ketken. Oqıǵa ornynda qaza tapty. Qalalyq tótenshe jaǵdaılar qyzmetiniń málimetinshe qar bıiktigi 1,6 metrden 2,4 metrge deıin jetken. Jer úı turǵyndary jaýǵan qardyń tolastaǵanyn kútpesten úı shatyryn omby qardan arshýǵa májbúr . Sebebi úı shatyry aýyr salmaqtaǵy qardy kótere almaıdy. Osyndaı tazalyq barysynda Akıta qalasynda bir áıel qaza tapty. Toıama qalasynda 29-jastaǵy órt sóndirý qyzmetkeri omby qardy tazalamaq bolǵanda oppa qarǵa túsip ketip qaza tapty. Aýa qysymynyń seısenbiden sársenbige qaraǵan kúni kúrt tómendeýiniń aıaǵy daýyl men tollassyz jaýǵan qarǵa ulasqan. Japonıanyń soltústik aýdandary men Japon teńizi jaǵalaýyndaǵy eldimekender ortalyq jáne batys aýdandary zardap shegip otyr. Elektr energıalary men kólik qozǵalysy toqtatylyp ýaqytsha mektepter jabyldy.