Qytaıdaǵy Apple kompanıasynyń jumysshylary basshylyq bekitken eńbek tártibi men jumys jaǵdaıyna narazy. Bul týraly BBC News habarlaıdy.

Osy jaǵdaıdyń anyq-qanyǵyna jetý maqsatynda BBC News arnasynyń tilshisi jasyryn jýrnalıstik zertteý júrgizgen. Qarapaıym jumysker retinde kompanıaǵa ornalasyp demalyssyz 18 kún boıy eńbek etedi. Eńbek kúniniń aýyrlyǵy sondaı qyzmetkerler jumys ornynda uıqyǵa ketetin bolǵan.

Jumysshylar 12 saǵat kezekpen eńbek etedi eken. Keı kúnderi jumys kúni 16 saǵattan da asyp otyrǵan. Tilshiniń aıtýy boıynsha jumysshylardyń sharshaǵany sonsha turyp tamaqtanýǵa da áliń kelmeıtin kórinedi. Bar armanyń jarty saǵat jantaıý ǵana bolady,-deıdi. Biraq kompanıa bul shaǵymdarmen kelispeıdi eken. Basshylyqtyń aıtýy boıynsha Apple kompanıasynyń jumyskerlerine jasaıtyn jaǵdaıyn basqa áriptestik kompanıalary kórsetpeıdi eken. 2010 jyly Apple taýarlaryn tasymaldaýshy Foxconn kompanıasynda da jaǵdaıdyń jaısyzdyǵynan 14 qyzmetker óz-ózine qol jumsaǵan bolatyn.