18 jeltoqsan Almaty qalasyndaǵy Esperenzanyń saltanatty saraıynda aqyn Lázzat Igisinniń «Sol bir dáýren» atty shyǵarmashylyq keshi ótti. Kesh barysynda «Meniń oıymsha» atty kitabynyń tusaýkeseri boldy. Aqyndar Serik Qapshyqbaı, Iran Ǵaıyp, Járken Bódesh, jazýshy Qabdesh Jumadilov, alǵashqy ustazy Qadıshav apaı, jýrnalıs Jańyl Ápetova hanym jańa kitaptyń lentasyn qıyp, oqyrmanǵa usyndy. Iran Ǵaıyp myrzanyń oqyǵan óleńi zaldy siltideı tyndyrdy. Alystan at basyn buryp, Atamekenge qonystanǵan qandastaryna júrekjardy sózin jetkizdi. L. Igisinniń shyǵarmashylyǵy týraly D. Baıtursynuly qysqasha baıandama jasady. Sóz alǵan K. Elemes, J. Tabyn, N. Muhamethan sekildi aýzy dýaly aǵaıyndar oıǵa qonymdy, oryndy pikirlerimen este qaldy. Aqynnyń sózine jazylǵan ánder shyrqaldy. «Áýlettiń altyn anasy» degen altyn alqa taqqan aqyn halyqaralyq Túrsoıdyń quttyqtaýymen qýanysh besiginde terbetildi. S. Nuǵman, E. Mátqabyl E. Nurbaı, B. Bámish, E. Kápqyzy, A. Ahmadı, M. Qunapıa, M. Shaımaran, T. Tynysbek qatarly qalamgerler kesh shyraıyn asha tústi. Keshke demeýshilik jasap, kitaptyń jaryq kórýine úles qosqan kásipkerlerge jurt rızashylyǵyn bildirdi.

Dáýletbek Baıtursynuly, Facebook paraqshasynan