«Samuryq-Qazyna» AQ Dırektorlar keńesi Qazaqstan Respýblıkasynyń Premer-Mınıstri Kárim Másimovtiń tóraǵalyǵymen ótken kezekti otyrysynda Qor kompanıalar tobyn transformasıalaý baǵdarlamasynyń júzege asyrylý barysyn qarady.

         Transformasıa baǵdarlamasy aıasyndaǵy Dırektorlar keńesi maquldaǵan alǵashqy mańyzdy qujat Korporatıvtik basqarý kodeksi boldy.

 Kodeks korporatıvtik basqarý salasyndaǵy sońǵy kezdegi álemdik tájirıbeler men Ekonomıkalyq yntymaqtastyq pen damý uıymynyń (EYDU) ózekti bastamalaryn, sonyń ishinde Dırektorlar keńesiniń tıimdiligin arttyrý jáne olardyń aksıonerler aldyndaǵy eseptiligin, táýekeldi basqarý men turaqty damý máselelerinbasshylyqqa alady.

   «Biz bul jobaǵa enshiles uıymdardy, táýelsiz dırektorlardy keńinen tartyp, EYDU sarapshylarymen, memlekettik organdarmen, ulttyq kompanıalarmen  keńestik.Jańa Kodeks aıasynda biz barlyq toptardyń uzaqmerzimdi qunyn arttyrýdyjáne Qazaqstannyń búgini men bolashaǵy úshin turaqty damýdy qamtamasyz etýdi kózdeımiz. Turaqty damý úlgisin engizýdiń mańyzdylyǵy týraly Memleket basshysy da jıi aıtyp keledi. Úzdik basqarý standarttaryna negizdelgen Kodeksti qabyldaý Qor tobyna degen Qazaqstannyń óz ishindegi jáne shetelderdegi senimdi arttyrady, ınvestısıalyq ahýaldy jaqsartady, sondaı-aq, bizdiń kompanıalardyń EYDU ozyq standarttaryna umtylysyn kórsetedi. Munyń bári Memleket basshysy aldymyzǵa qoıǵan maqsattarmen úndesip jatyr», - dedi, Dırektorlar keńesine qujatty tanystyrǵan Qordyń Basqarma tóraǵasynyń orynbasary Elena Bahmýtova.

         Kodeksti ázirleý barysynda Qor kompanıalardy jeke uıym retinde kóptegen aksıonerler arqyly basqarý jáne olarǵa joǵary korporatıvtik basqarý standarttaryn qoldaný tásilin ustanady.

         Sonymen qosa, Dırektorlar keńesi Qordyń bes kompanıasyndaǵy korporatıvtik basqarýdyń táýelsiz dıagnostıkasynyń nátıjelerin qarady.  Dıagnostıka nátıjeleri oń úrdisterdi baıqatady. Korporatıvtik basqarý reıtıńiniń kósh basynda 80,5 reıtıńtik kórsetkishpen «Eır Astana» AQ tur.Budan ári «KEGOC»AQ (78,1 r.k.), «Qazatomprom» UAK» AQ (76,8 r.k.), «Samuryq-Energo»AQ (73,5 r.k.) jáne «Samuryq-Qazyna» Jyljymaıtyn múlik» AQ (71,2 r.k.).

Korporatıvtik basqarý ortasyn jaqsartý, táýelsiz dırektorlar sanyn ulǵaıtý, jekelegen kompanıalarda 50%-ǵa ulǵaıǵan, dırektorlar keńesteriniń tıimdiligin arttyrý, syrtqy aýdıtordy suryptaý úrdisiniń jaqsarýy, korporatıvtik basqarýdy Transformasıa baǵdarlamasynyń basty baǵytyna aınaldyrý barlyq kompanıalardaǵy oń ózgeristerdiń qataryna jatady.

          Sonymen qatar, Qor kompanıalar tobyndaǵy korporatıvtik basqarýdy jetildirý isin budan ári de jalǵastyra beredi.

          Jıyn barysynda Qor qyzmetindegi ózge de máseleler qaralyp, tıisti sheshimder qabyldandy.