Parıj (Fransıa) qalasyndaǵy BULAC Shyǵys tilderi men mádenıeti ınstıtýty kitaphanasynda Qazaqstan ádebıetteri ortalyǵynyń saltanatty ashylýy ótedi,-dep Qamshy.kz aqparat agenttigi QazAqparatqa silteme jasap habarlaıdy.
Atalǵan shara «Rýhanı jańǵyrý» ulttyq baǵdarlamasyn halyqaralyq deńgeıde IýNESKO shtab-páterinde tanystyrý aıasynda ótedi. Qazaqstan ádebıetteri ortalyǵy QR Mádenıet jáne sport mınıstrligi, Syrtqy ister mınıstrligi, Fransıadaǵy Qazaqstannyń Elshiliginiń qoldaýymen ashylady. QR Ulttyq akademıalyq kitaphanasy halyqaralyq IýNESKO uıymynyń aıasynda ótetin ótetin «Qoǵamdyq sanany jańǵyrtý: qazaqstandyq jol jáne N.Nazarbaevtyń úlgisi» konferensıasyna qatysady.
Osy is-shara aıasynda Ulttyq akakdemıalyq kitaphana birqatar mádenı is-sharalardy ótkizýdi josparlap otyr. Qazaqstan ádebıetteriniń ortalyǵynyń saltanatty ashylýyna Fransıadaǵy Qazaqstannyń Tótenshe jáne Ókiletti Elshisi Nurlan Dánenov, BULAC Shyǵys tilderi men mádenıeti ınstıtýty kitaphanasynyń dırektory Maria-Lise Tsagouria hanym, Qazaqstan Respýblıkasynyń Ulttyq akademıalyq kitaphanasynyń basshysy Úmithan Muńalbaeva, IýNESKO jáne ISESKO halyqaralyq uıymdarynyń ókilderi, Qazaqstannyń qoǵam men mádenıet qaıratkerleri jáne zıalylary, Fransıadaǵy qandastardyń qaýymdastyǵynyń ókilderi, Parıjdegi JOO stýdentteri qatysady.
Aıta keterligi, BULAC kitaphanasy Shyǵys tilderi men mádenıeti ınstıtýtynyń ǵımaratynda ornalasqan. Bunda qujattar, kitaptar, baspasóz, monografıalardyń jáne t.b. asa baı qory saqtalǵan. Kitaphanada shyǵys tilderin zertteý jáne oqý, sonymen qatar Okeanıa, Azıa, Afrıka jáne taǵy basqa materıkter órkenıetin zertteý boıynsha málimetterdiń qory bar. Sonymen birge, álem elderiniń tarıhy, saıasaty jáne ekonomıkasyn zertteýge kóp kóńil bólinedi. Osy oraıda, Qazaqstan ádebıetteri ortalyǵynyń ashylýy shyǵys tilderi men mádenıeti ınstıtýtynyń profesorlyq-oqytýshylyq quramyna qazaq halqynyń salt-dástúrin, mádenıetin, ónerimen jaqyn tanysýǵa múmkindik beredi.
Bul Táýelsiz Qazaqstannyń jetistikteri men onyń ekonomıka, saıasat, áleýmettik salalaryndaǵy tabystaryn kópshilikke tanystyrýǵa jol ashady. Ortalyqta QR Prezıdenti Nursultan Nazarbaevtyń, sonyń ishinde, onyń álemdik saıası arenadaǵy orny men róline arnalǵan kitaptary, tarıh, ǵylymı-kópshilik jáne kórkem ádebıeti boıynsha 200-ge jýyq kitaptar usynylady.
