«Qoljetimdi baspana - 2020» baǵdarlamasy turǵyn úı qurylys jınaq júıesi arqyly eki baǵyt boıynsha júzege asyrylyp, oǵan barlyq azamattar qatysa alady. Sonyń ishinde: 1.Jergilikti atqarýshy organdary tarapynan (JAO) baspana qurylysy júrgizilip, ony turǵyn úı qurylys jınaq júıesi arqyly barlyq toptardaǵy azamattarǵa satý, sonyń ishinde baspanany uzaq merzimdik jalǵa berý jáne jalǵa alýshylar úshin satyp alý múmkindigi qarastyrylǵan. 2.Jergilikti at¬qa¬rýshy organdary tarapynan turǵyn úılerdiń qurylysy júrgizilip, ony jalǵa bergennen keıin jas otbasylaryna jeke menshikke satyp alýǵa múmkindik berý. Birinshi baǵyt boıynsha, JAO salynǵan baspanany turǵyn úı qurylys jınaq júıesiniń salymshylary tarapynan bankten alynǵan zaıymdar esebinen satyp alynady (turǵyn úı, aralyq, aldyn ala zaıymdary). Salymshynyń tóleý qabileti jetkiliksiz bolsa, onda turǵyzylǵan baspana uzaq merzimdik jalǵa beriledi (8 jylǵa deıin). 8 jylǵa jalǵa be¬riletin úıde turyp jatqan Baǵ¬darlama qatysýshysy bolashaqta baspanany menshikke satyp alý úshin, tómen paıyzdyq mólsherlememen turǵyn úı zaıymyna qol jetkizý úshin 8 jyldyń ishinde turǵyn úı qurylys jınaq¬taryn jınaıtyn bolady. Atalǵan baǵyt boıynsha jalǵa be¬riletin baspanaǵa qol jetkizý múm¬kindigi 2013 jyldan bastap júzege asyryla bastady. Ekinshi baǵyt boıynsha JAO tarapynan jas otbasylarǵa jalǵa beriletin úıler salynyp (ekeýiniń jasy 29-dan aspaýy shart), olardy jas otbasylaryna uzaq merzimdik jalǵa berý jáne artynsha olardyń jeke menshigine satý kózdelgen. Jalǵa alǵan baspanada turatyn jas otbasylar 8 jylda turǵyn úı qurylys jı¬naqtaryn jınaýy tıis. Sebebi bul arqyly olar, bolashaqta úıdi jeke- menshikke satyp alýǵa qajetti turǵyn úı zaıymyn ala alady. Aıta ketetin jaıt, turǵyn úı qu¬rylys jınaqtaryn belgilengen mólsherde jınaý úıdi jalǵa alǵan jeke azamattyń mindeti bolyp tabylady. Eger tıisti tártippen salymdar jınaqtalmaıtyn bolsa, onda jalǵa alynǵan úıdiń turǵyndary ol baspanany bosatýy tıis. Sebebi eger salymdar jınaq shotyna jınaq¬talmaıtyn bolsa, onda turǵyn úı jınaq nesıesin alý múmkindigi de bolmaıdy. Jalǵa berilgen baspanaǵa qonystaný úshin, jalǵa alýshy óziniń turǵyn úı qurylys jınaqtaý esep shotyna 6 aılyq salym kóleminde kepildendirilgen salym salýy tıis. Jalǵa alý sharttary birinshi ba¬ǵyttyń qatysýshylaryna da tıesili. Jalǵa 8 jylǵa beriletin baspanada turyp jatatyn ýaqyt ishinde jas otbasylarynyń búdjetine salmaq túsirmeý úshin, olar jaldyq aqydan bosatylady. Shyǵystary tek kom¬mýnaldyq tólemderge ǵana jumsa¬lady (jylýǵa, sýǵa t.s.s.).

"Qamshy"silteıdi