Ortalyq komýnıkasıalar qyzmetinde «Keden zańnamasyndaǵy zań buzýshylyq» taqyrybynda baspasóz konferensıasy ótti. Oǵan QR qarjy mınıstri Baqyt SULTANOV, QR ınvestısıalar jáne damý mınıstri Jeńis QASYMBEK, QR Qarjy mınıstriligi memlekettik kirister komıtetiniń tóraǵasy Ardaq TEŃGEBAEV qatysty dep habarlaıdy Qamshy.kz aqparat agenttigi.

Qazaqstan búgingi kúni Keden odaǵyna múshe memleketterdiń aýmaǵynan sıaqty úshinshi elderden de ákelinetin taýarlardy ótkizýdiń ishki jáne shekara mańyn baqylaýdy júzege asyrýdyń jańa sapaly deńgeıine shyqty.

Jáne munda, BUU IýNKTAD-pen birlesip iske asyrylǵan Kedendik rásimderdi jańǵyrtý boıynsha joba eleýli kómektesýde.  

Jobanyń sheńberinde 1 qazannan bastap jańa «ASTANA-1» aqparattyq platformanyń «Tranzıt» kishi júıesin tájirıbeli paıdalanýǵa qosyldy.

Bul júıe kedendik deklarasıalardy elektrondyq túrde tabys etýge, sondaı-aq tıimdi kedendik baqylaýdy júzege asyrýǵa múmkindik beredi. Bul rette, avtomattandyrylǵan táýekelderdi basqarý júıesi kedendik jáne ákimshilik iske asyrý sharalary boıynsha sheshimder qabyldaý kezinde adamı faktordy boldyrmaıdy jáne sybaılas jemqorlyq kórinisterdi barynsha azaıtady.

Osylaısha, tekserip qaraý is-sharalaryn júrgizý týraly sheshimderdi qabyldaý táýekelder beıini iske qosylǵan kezde júrgiziledi.

Búgingi kúni jańa aqparattyq júıede 13 599 tranzıttik deklarasıa resimdeldi, bul rette kóp jaǵdaılarda táýekelderdi basqarý júıesi Qyrǵyz Respýblıkasyna tranzıttik deklarasıalar boıynsha iske qosyldy.

Jalpy Qazaqstan aýmaǵy arqyly Qytaı Halyq Respýblıkasynan Qyrǵyzstanǵa taýarlar tranzıtiniń kólemine júrgizilgen taldaý, mundaı tasymaldaýlardyń kólemi kúrt ulǵaıǵanyn kórsetti.

Máselen, 2015 jyly 4 526 kólik quralyn paıdalana otyryp, 130 myń tonna taýarlar ótkizilgen.

2016 jyly Qazaqstannyń tranzıttik dálizi boıynsha Qytaıdan Qyrǵyzstanǵa ótkizilgen taýarlardyń kólemi 9 567 kólik quralyn paıdalana otyryp, 216 myń tonnany qurady. Iaǵnı 67%-ǵa ósim boldy.

2017 jyldyń 9 aıynda taýarlardyń kólemi 7 315 kólik quralyn paıdalana otyryp, 160 myń tonnany qurady.

Bul rette, Qazaqstan Respýblıkasyna qytaı taýarlarynyń ımporty Qyrǵyzstan Respýblıkasyna jiberilgen qytaı taýarlary tranzıtiniń is júzinde tepe-teń ósýi is júzinde qysqardy.Sondaı-aq, kedendik qunnyń tómendelgen. Máselen, Qazaqstan Respýblıkasy men Qyrǵyz Respýblıkasynda kedendik tazartý kezinde qoldanylatyn taýarlardyń kedendik qunynyń ındeksterin salystyrǵanda, Qyrǵyz Respýblıkasynyń keden organdary qabyldaıtyn kedendik qun Qazaqstan Respýblıkasynyń keden organdary qabyldaıtyn kedendik qunnan ishinara tómen ekenin kórsetti. Keıbir jaǵdaılarda aýytqýlar Qazaqstan Respýblıkasynda málimdelgen kedendik qunnan eki jáne odan da kóp eseni quraıdy.

Munyń barlyǵy Qazaqstan Respýblıkasynda taýarlardyń kedendik qunyn barynsha qatań ákimshilendirýmen jáne Qyrǵyz Respýblıkasynyń keden organdary tarapynan taýarlardy durys deklarasıalaýyna jáne kedendik qunǵa baqylaýdyń jetkiliksizdigine baılanysty.

Sondaı-aq, QHR-dan Qyrǵyz Respýblıkasyna ótkiziletin taýarlarǵa monıtorıń jasaý sheńberinde kedendik qunnyń tómen bolýy ǵana emes, taýar-kólik júkqujatynda taýarlardyń naqty salmaǵy men ataýyn málimdemeı, taýarlardyń ataýyn jáne naqty salmaǵyn ózgertý taǵy sol sıaqty kontrabandalyq jolmen taýarlardy ákelý faktileri anyqtalýda.

ASTANA-1 júıesin iske qosý EAEO keden zańnamasynyń buzýshylyǵyn, onyń ishinde ekonomıkalyq kontrabandany barynsha tıimdi anyqtaýǵa jáne jolyn kesýge múmkindik beredi.

Sonymen, ASTANA-1 jumysynyń alǵashqy birneshe kúniniń ishinde qazaqstan-qytaı shekarasynda tekserip-qaralǵan kólik quraldarynyń úshten biri durys deklarasıalanbaǵan taýarlardy ákelgen.