SURAQ: Qurmetti Qamshy.Kz! Meniń bank ókilderine qoıatyn suraǵym bar edi. Sizder jazyp jatqandaı, jumys júrgizilip otyr eken, biraq, «Qoljetimdi baspana - 2020» baǵdarlamasy baspanasyz adamdar shoǵyryn tolyqtaı úımen qamtamasyz ete ala ma? Aqsulý Bolataıqyzy, Almaty qalasy. QTQJB baspasóz qyzmeti: Árıne, oryndy ári qıyn suraq. Jalpy, Qazaqstan sıaqty qarqyndy damyp otyrǵan kórshi elderdiń eshqaısynda tıimdi turǵyn úı qurylys júıesi jumys istep otyrǵan joq. Múny bizdiń memlekettik saıasattyń jemisi dep baǵalaýymyz kerek. Endi suraqqa keleıik: elimizdegi demografıalyq ósimdi esepke alsaq, túbegeıli jaýap berý qıyn. Onyń ústine Qazaqstandaǵy úrbanızasıa úrdisi qoǵamdaǵy baspanaǵa degen suranysty tipten arttyryp jiberýde. Sondyqtan, «Qoljetimdi baspana - 2020» baǵdarlamasy baspanasyz adamdar shoǵyryn tolyqtaı úımen qamtamasyz ete alady dep kesip aıtýdy mindemizge almaımyz. Al, 2012-2020 jyldarǵa arnalǵan Baǵdarlamanyń birinshi baǵyty aıasynda 3 mln sharshy metr baspana tapsyrý josparlansa, ekinshi baǵyty boıynsha 1,5 mln sharshy metr úı salynbaqshy. Qazirgi tańda 425 myń adam bizdiń bankpen shart jasasqan. Olardyń 35 paıyzy «Qol jetimdi baspana-2020» baǵdarlamasyna qatysýǵa nıet bildirgen. Búginge deıin bank jelisi boıynsha qarjylandyrylǵan turǵyn úıdiń aýmaǵy jyl saıyn 500 myń sharshy metrden asyp otyr. Baspana baǵasynyń sharshy metrge shaqqandaǵy quny: aımaqtarda 90 myń teńgeden aspasa, Astana men Almaty qalasy úshin 142 myń teńgeni quraıdy. Al, «Qol jetimdi baspana-2020» baǵdarlamasy sheńberinde 6 mln. sharshy metr turyǵyn úı salý kózdelgen.