Qazaqstandyq ǵalamtor paıdalanýshylary qylyqtarynyń erekshelikterin Google tapsyrysy boıynsha KANTAR TNS kompanıasy jańa ǵalamdyq zertteý jasaǵan dep jazady Qamshy.kz
Bul zertteý Ǵalamtor jelisinde 16 jastan bastalatyn jas mólsherindegi qazaqstandyq paıdalanýshylardyń minez-qulyqtary týraly kórinis alý múmkindigin beredi.
«Biz qazaqstandyqtardyń ne maqsatta jelige kiretindigin, qanshalyqty jıi kiretindikterin jáne osy maqsattar úshin qandaı qurylǵylarmen paıdalatyndyqtaryn kóre alamyz. Zertteý álemniń 63 elinde ótkizilgen, ózge elder boıynsha zertteý nátıjeleri Consumer Barometer saraptamalyq onlaın-quraly túrinde usynylǵan», - deıdi zertteýshiler.
Zertteý nátıjeleri qazaqstandyqtardyń júıeli túrde 74% Ǵalamtormen jeke maqsattar úshin qoldanatyndyqtaryn kórsetti. Ǵalamdyq deńgeıde salystyratyn bolsaq, bul san 82% quraıdy. Eń belsendi paıdalanýshylardyń jas mólsheri 25-34 jáne 35-44 jastaǵylar (sáıkesinshe 30% jáne 20%). Alaıda onlaın paıdalanýshylarynyń jas shamasy jastar degen boljamǵa qaramastan, qazaqstandyqtar arasynda Ǵalamtor paıdalanýdy jas shamasyna qaraı úlestirýde jetkilikti túrde birkelki. Ǵalamtor ‒ bul kez-kelgen jas shamasyndaǵy adamdardyń tildesýine jaǵdaı jasaıtyn orta.
Sonymen qatar, zertteý nátıjeleri Qazaqstanda jelini belsendi paıdalanatyndar er adamdar 47% jáne sáıkesinshe áıel adamdar 53% bolyp tabylatyndyǵyn kórsetti.
Ǵalamtorǵa qosylǵan qurylǵylardyń ekojúıesi ártúrli jáne ár adam birneshe qurylǵylardy paıdalatyndyǵymen sharttalǵan. Osylaısha búgingi tańda bir qazaqstandyqqa 1,7 Ǵalamtorǵa qosylǵan qurylǵy keledi.
Sonymen birge qazaqstandyqtar Ǵalamtorǵa kirýdi usynatyn qurylǵylardyń sanyn kóbeıtýde: osylaı, 64% smartfondarmen paıdalanady, 26% ‒ noýtbýktarmen, 10% ‒ smart TV. Budan basqa qazaqstandyqtar netbýktarmen jáne planshettarmen, elektrondy kitaptarmen, smart-saǵattarmen jáne trekerlermen belsendi qoldanady, atalǵan qurylǵylardyń barlyǵy Ǵalamtorǵa kirý múmkindigin usynady.
Birneshe jyl boıy Qazaqstanda Ǵalamtormen paıdalaný úshin smartfondardy artyq kóretin qazaqstandyqtardyń sanynyń artyp kele jatqyndyǵy baıqalady. Smartfondarǵa jasalǵan mundaı beıimdelý paıdalanýshylardyń onlaın qylyqtaryna yqpal etedi. Osylaısha smartfon arqyly jasalatyn onlaın shopıng jıi qoldanylady – búginde Ǵalamtordan kompúter arqyly jáne smartfon arqyly zattar satyp alatyn, jas shamasy 16 jastan joǵary qazaqstandyq onlaın paıdalanýshylardyń úlesi birdeı, jáne 16% quraıdy.
Sonymen birge uıaly tehnologıalar beınekontentti onlaın qaraý prosesin de ózgertedi: smartfondardan qaraý sany ulǵaıýda. Osylaısha 2017 jyly jas shamasy 16 jastan joǵary qazaqstandyqtardyń 58% kompúterdende, smartfonnan da birdeı jıilikte Ǵalamtordaǵy beınelerdi qaraıdy.
Qazaqstandyqtardyń Ǵalamtordaǵy ýaqyt ótkizýi ǵalamdyq úrdistermen sáıkes keledi. Osylaısha qazaqstandyq onlaın – paıdalanýshylar birinshi kezekte kóńil kóteredi (72%), Ǵalamtordan aqparat izdeıdi (75%) jáne qoıylǵan tapsyrmalardy onlaın oryndaıdy (54%), sonymen qatar onlaın-kontent ornalastyrady (20%), onlaın neni qalaı jasaý kerektigin kórsetip, ózgelerge kómektesedi (36%).
KANTAR TNS ótkizgen Connected Consumer Study zertteýleriniń kezinde álemniń 63 elinen asatyn suhbatkerlerine suraq qoıylǵan.
