Semeıde aýyr qylmys oryn aldy. Qylmysker 38 – jastaǵy áıeldi pyshaqtap óltirgen. Qazirgi kezde kúdikti quryqtalyp ýaqytsha qamaý ızolátorynda jatyr. Bul týraly KTK arnasy habarlaıdy.

Tragedıalyq jaǵdaı qala mańyndaǵy saıajaıda oryn alǵan. İshimdikke qyzǵan jigit ózine turmysqa shyǵýǵýa usynys jasaǵan áıeldiń teris jaýabyna narazy bolyp pyshaq ala júgirgen. Muny kórgen 11 jastaǵy bala arashaǵa túspek bolǵanda balanyń moınyn pyshaqpen oryp jiberedi. Sodan keıin áıelge tap beredi. Pyshaqtap jatyp: «Balań óldi, endi seni de óltirem!»-degen kórinedi. Muny hál ústinde jatqan bala estip qalǵan. Alǵashqy soqqydan keıin balany óldige sanaǵan ol oǵan nazaar aýarmaıdy. Azamat ústine qylmystyq is qozǵalyp, tergeý amaldary júrgizilýde.

Esterińizde bolsa 14-jeltoqsan kúni Hromtaý qalasynda 38-jastaǵy áke óziniń 11 jasar qyzyn baltamen shaýyp óltirip, áıelin aýyr jaraqattaǵan. Bul jaǵdaıdan keıin jigit 5 qabattan sekirip, qaıtys bolǵan.