Jazýshy-jýrnalıst Serik Ábdiraıymulynyń esteliginen. Serik aǵa Dımash aǵanyń baspasóz salasy boıynsha qatar qyzmet atqarǵandyqtan Dımekeń týraly áńgimeni kóp órbitip otyrady eken. Sol estelikterdiń birinen úzindi: 

-Ońtústik oblystardyń birine jol tústi. Umytpasam Ońtústik Qazaqstan oblysy bolýy kerek. Aýdandar aralap júrip, tús mezgilinde 12 qanat aǵash úıge tústenýge respýblıkanyń basshylaryn kirgizdi. Sóıtsek, aǵash úıge biz kelgenshe deıin ýaqytynda oblysty, aýdandy basqarǵan,kósheli sóz aıta alatyn, elge syıly, oraq aýyz, ot tildi aqsaqal, qarasaqaldardy jaıǵastyrypty. Dımekeń bastaǵan top, qarıalarǵa kórgen jerde, qos qoldap sálem berip, qaýqyldasyp, amandyq-saýlyq surasyp dastarhan basyna jaıǵasty. Ádette meni Dımekeńniń osyndaı kópshilik jerde, ıek qaǵyp, dál qasyna otyrǵyzyp alatyn ádeti bar.Sol daǵdysyna salyp, moıynyn sozyp, jan-jaǵyna kóz júgirtip: 

-Serikjan, janyma jaıǵas,-degesin ózgeleri syrylyp, dál janynan bir oryndy maǵan bosatty. Kóp uzamaı Dımekeńdi shetinen maqtap, madaqtaý jóninen aqsaqaldar arasynda jaryssóz bastaldy da ketti. Bir qarıa: 

- Osy Dımash bolmasa, Qapshaǵaıǵa GRES salynar ma edi?! Qazir qandaı qala boldy,-dep bıpazdaı aıtyp, maqtaı jóneldi. Endi biri: 

-Túrkimenderdiń enshisine ketip bara jatqan Mańǵystaý oblysyn alyp qalǵan Qonaev. Munaı ıgerýge qazaqtardy mashyqtandyrǵan myna otyrǵan Qonaev ,-dep jata kelip maqtady deıdi. Taǵy biri ornynan qalshyldaı turyp: -Qajet deseńder bul Dımash, qazaqtyń tiri júrgen Muhammed paıǵambary ǵoı,- dep jurttan asyryp aıtty deıdi. Osy sátte Dımekeń, aqyryn maǵan burylyp, jáı ǵana sybyrlaı sóılep: 

-Serikjan, betimniń ushy men qulaǵymnyń ushyna qarashy, ne ózgeris baıqadyń?,-degen eken. Bir sát "osyny nege aıtty eken?- dep birinshi hatshynyń beti men qulaǵyna bajaılap qarasam, qyzaryp ketipti. Shamaly ýaqyt ótkesin Dımekeń: 

-Ne baıqadyń Serikjan?,-dep qaıta surady. 

-Betińiz de, qulaǵyńyzda qyzyryp ketipti, Dinmuhamed Ahmetuly-,dep aıtyp aýyzymdy jaýyp úlgermeı, aqyryn ǵana qarsy jaýap qatty deıdi. 

-Qyzarsa, onda ázirge menen uıat ketpegen eken ǵoı,-dep tómen qarady deıdi. 

 NURLAN QAZIULY