Rıo Olımpıadasynyń chempıony Danıar Eleýsinov Astanada Boks kúnine arnalǵan sharada óziniń áriptesterin quttyqtap, aldaǵy josparymen bólisti, dep habarlaıdy  Qamshy.kz aqparat agenttigi sports.kz-ke silteme jasaı otyryp.

«Barlyq sportshylardy Boks kúnimen shyn júrekten quttyqtaımyn. Barlyqtaryńyz Olımpıada men Álem chempıonattarynda top jaryp, jeńis tuǵyryna kóterilýlerińizge tilektespin», - dedi boksshy.

Óziniń josparymen bólise kele, Danıal Eleýsinov daıyndyǵy týraly aıtyp berdi. «Meniń sharshy alańǵa shyqpaǵanyma birshama ýaqyt bolyp qaldy. Eki nemese úsh chempıonatqa qatysyp, kelesi jyly shetelge shyqsam deımin», - deıdi Rıo Olımpıadasynyń chempıony. 

«Qazirgi ýaqytta maǵan biraz usynystar kelip túsip jatyr. Biraq áýesqoı boksqa qaıtyp oralǵandyqtan, ol usynystardyń barlyǵyn qarap jatqan joqpyn. Menińshe, bul usynystardy ekinshi josparǵa qaldyra tursam deımin. Aýysyp jatsam, ol týraly aıtatyn bolamyn», - deıdi Eleýsinov.