Túrkıa prezıdenti Rejep Taıyp Erdoǵan alǵashqy otandyq jeńil kólikti jasaýdyń jobasyn júzege asyrý týrasynda málimdedi, dep jazady Qamshy.kz aqparat agenttigi. Bul týraly jergilikti Anadolý agenttigi habarlady.
Avtomobıldi qurastyrý birlestigine Anadolu, BMC, Kıraça jáne Zorlu holdıńteri, sondaı-aq Turkcell telekomýnıkasıalyq kompanıasy kiredi.
Jobany tanystyrý rásiminde sóz sóılegen prezıdent 2016 jyly Túrkıada 757 myń avtomobıldiń satylǵanyn aıtty. «Naryǵy dál osyndaı áleýetke ıe memlekettiń otandyq avtomobıldi qurý jobasyn júzege asyra almaýy múmkin emes. Búgin biz tarıhı qadamǵa bet aldyq», - dedi Erdoǵan.
Túrik basshysynyń aıtýynsha, otandyq avtomobıldi qurastyrýdyń jobasyn júzege asyrýdy jaqyn ýaqytta bastap ketý kerek. Onyń alǵashqy nusqasy 2019 jylǵa deıin daıyn bolýy tıis.
«2021 jyly avtomobıl serıaly óndiriske shyǵady. Atalmysh joba 2023 jylǵa deıin Túrkıanyń damý maqsattaryna arnalǵan baǵdarlamasynda erekshe mańyzǵa ıe. Jáne bul máseleni keıinge qaldyrýǵa bolmaıdy», - dedi prezıdent.
