Saýd Arabıasy bıligi jemqorlyqpen kúres maqsatynda arnaıy komıtet quryp, koról áýletiniń 11 hanzadasy jáne 4 mınıstrdi ustady, dep jazady Qamshy.kz aqparat agenttigi.

Saýd Arabıasynyń koroli Abdýl-Azız Ál SAÝD jemqorlyqpen kúres jóninde jáne eldegi bılikti asyra paıdalanýshylyqty joıý maqsatynda jarlyq shyǵarǵan. Bul týraly koróldiktiń resmı jańalyqtar agenttigi Saudi Press Agency habarlaǵan.

Saýdıalyq monarhtyń aıtýynsha, joǵarǵy bılik ókilderi arasynan óz múddelerin asyra paıdalanyp, zańsyz jolmen áreket etetinder tabyldy.

Osyǵan oraı, koróldikte qarjylyq alaıaqtyq pen bılikti asyra paıdalanýshylardy ustaý úshin birqatar naýqandar ótkizedi.

Al Arabiya telearnasynyń habarlaýynsha, Jarlyqqa sáıkes jańa komıtettiń qyzmetkerleri Saýd Arabıasy koróldik otbasynyń 11 múshesi men onǵa jýyq mınıstrdi ustaǵan.

Kingdom Holding ınvestısıalyq kompanıasynyń ıesi, koróldiń jıeni, mıllıarder ál-Valıd TALAL jemqorlyqpen ustalǵandardyń tiziminen kórindi.