Qazaqstan Prezıdenti Nursultan Nazarbaev elimizde taǵy bir munaı óńdeý zaýytyn salý qajettiligi týraly aıtty, - dep habarlaıdy Tengrinews.kz tilshisi.

Astanada Indýstrıalandyrý kúnine arnalǵan jalpyulttyq telekópir barysynda 15 jobanyń tusaýy kesildi. Atyraý oblysyndaǵy hosh ıisti kómirsýtekter óndiretin keshendi iske qosý barysynda Memleket basshysy: "Daǵdarys kezeńinde, munaı men gaz baǵasynyń tómendeýi kezinde qaıta óńdeý jaǵdaıdan shyǵýdyń joly bolmaq. Biz muny jasaımyz. Bizge jańa munaı óńdeý zaýytyn salý, jańa ónimderdi kóbirek shyǵarý qajet", - dedi.

Eske sala keteıik, buǵan deıin Qazaqstannyń tórtinshi munaı óńdeý zaýytyn salýdan bas tartqany habarlanǵan edi. Búgin saltanatty jaǵdaıda "onlaın" rejıminde elimizdiń túrli aımaǵynda Indýstrıalandyrý kartasyna engen 15 joba iske qosyldy. Atap aıtqanda, tıtan quımalary men balqymalary óndirisiniń zaýyty (SHQO), altyn óndirýshi fabrıka (Qaraǵandy oblysy), Aqtóbe rels-arqalyq zaýyty jáne taǵy basqalar.

2014 jyly Indýstrıalandyrý kartasynyń barlyǵy 150 jańa jobasy iske asyryldy.