1. Ormanda maımyldar baǵyp erjetkizgen Ýgandalyq jigit. Tórt jasar kezinde sheshesiniń ákesi jaǵynan óltirilgenin óz kózimen kórgen sábı aldy-artyna qaramastan orman ishine qashyp kirip, ǵaıyp bolǵan. 1991 jylǵa deıin on bes jylǵa jýyq ony eshkim de baıqamaǵan. Soǵan deıin ol qara maımyldarmen ómir súrip kelgen. Biraq osyǵan deıin ony aýyl turǵyndary kórip, tamaq berip júredi. Ákesiniń jaýyzdyǵynan qatty shoshynǵandyqtan maımyl úıirin alańsyz sezinse kerek. Ár kúni kesh bata ormanǵa sińip, kózden ǵaıyp bolady eken.

2. Bul kishkene qyzǵa bir ıt pen mysyq eki jyl qamqor bolǵan. 2009 jyly Sibirde aýyl turǵyndary bir kishkentaı qyzdyń tórt aıaqtap júretinin, sýdy jalap tilimen ishetinin, kúshik qusap úretinin kórip jaǵalaryn ustaǵan. Keıin sibir mılısıasy bul sábıdiń eki jyl boıy ata-anasy jaǵynan jer tólegen qamalǵanyn anyqtaǵan. Osy eki jyl boıyna bir mysyq pen ıt ony esh ashyqtyrmaı, asyraǵan eken.

3. Qustar arasynda ómir súrgen bala. 2008 jyly Reseılik turǵyndar ár túrli qustary bar bir otbasynda qus sekildi daýys shyǵaratyn bir sábıdiń ómir súrip jatqanyn baıqaǵan. Málim bolǵanyndaı álgi sábıdiń anasy ony qustardyń arasynda baǵyp, oǵan tipti bir aýyz sóz de úıretpegen. Oǵan haıýan retinde mámile jasap, qus qamaıtyn úıde ósirgen. Sondyqtan bul sábı ár túrli qustardyń tilinde saırap qana qoımaı, eki qolyn qanat qylyp, qaıta qaıta qaǵady eken.

4. Mysyqtarmen ómir súrgen sábı. 2008 jyly Argentına turǵyndary jertólede ómir súratin qańǵybas mysyqtardyń ishinde bir sábıdiń bar ekenin baıqpaty. Balany qutqarýǵa kelgen jergilikti mılısıaǵa mysyqtar aıbar shegip, sábıdi qorǵaǵan. Keıin bul sábıdiń bir jastan asqanyn jáne osy ýaqytqa deıin tek mysyqtardyń qaraýynda bolǵanyn anyqtaǵan. Demek, týyla salyp tastandy bolǵan.

5. Eshkilermen ómir súretin bala. 2012 jyly Reseıdiń bir aýylynda tek eshkilermen birge órip, qotanda eshkilermen birge uıyqtaıtyn bir bala jaıly kóp aıtylypty. Sóıtse, sheshesi Sasha esimdi bul balanyń tentektigi úshin únemi eshki qoraǵa qamap qoıyp jazalaıtyn bolsa kerek. Eshkilerdiń ómirine beıimdelip ketkeni sonsha, tipti úıge kirmeı qorada uıyqtaýdy ózi de ádetke aınaldyrǵan.

6. Qańǵybas ıttermen ómir súrgen bala. 2004 jyly qańǵybas ıttermen birge ómir súretin 5-6 jasar bala baıqalǵan. Keıin belgili bolǵandaı, balasyn úsh aı kezinde anasy tastap ketken. Al qańǵybas ákesi balasyn asyraı almaı kúresin sandyǵynyń janyna qaldyryp ketken eken. Sodan beri ıtterdiń qamqorlyǵynda tirshilik keship kelgen bala sóıleı almaıdy, tórt aıaqtap júredi. Tipti, jaqyn kelgen adamdardy tistep, mańyna jolatpaýǵa tyrysady. Al adamdar tamaq berse jemes buryn ıskep alatyn ádeti de bar eken.