Almaty qalasynyń 2017 jyldyń 9 aıyndaǵy áleýmettik-ekonomıkalyq damý qorytyndylary men memlekettik baǵdarlamalardyń júzege asyrylýy jaıynda Almaty qalasynyń ákimi Baýyrjan Baıbek Astana qalasynda ótken brıfıńte aıtty, dep habarlaıdy Qamshy.kz aqparat agenttigi.

Ortalyq komýnıkasıalar qyzmetiniń alańynda ótken esepti baspasóz máslıhatynda Almaty ákimi Baýyrjan Baıbek qalanyń bıylǵy jylǵy negizgi áleýmettik- ekonomıkalyq kórsetkishteri jáne taıaý arada júzege asatyn josparlar týraly aıtyp ótti.

«Táýelsizdik jyldary Elbasynyń basshylyǵy arqasynda elimiz orasan tabystarǵa qol jetkizdi. Alaıda, biz básekege qabiletti memleketter qatarynan kóringimiz kelse, OESR standarttaryna saı reformalardy júzege asyrýǵa tıispiz. Bul eń aldymen, ómir súrýdiń joǵary deńgeıi, jańa ári tıimdi ekonomıka, al ákimder úshin mańyzdy mindet- ómir súrý standarttarynyń sapasyn jaqsartý. Osy maqsatty iske asyrý barysynda memlekettiń ashyqtyǵy, jarıalylyǵy jáne esep berýi qaǵıdalary negizinde halyqaralyq «McKinsey» sarapshylarynyń qatysýymen «Almaty-2020» baǵdarlamalyq reformasy qabyldandy jáne kópshiliktiń keńinen talqylaýynan ótti, qazirgi kezde oıdaǵydaı júzege asyrylýda», - dedi Baýyrjan Baıbek.

Megapolıs ákimi byılǵy jyly barlyq áleýmettik- eknomıkalyq kórsetkishter boıynsha oń dınamıka qalyptasqanyn, 2017 jyldyń birinshi jartyjyldyǵynda ekonomıkanyń ósý qarqyny 4%-ǵa jetkenin bul ótken jyldyń osy kezeńimen salystyrǵanda 2 ese joǵary ekenin aıtty. Negizi kapıtal ınvestısıasy 12,8%-ǵa ósip, 400,5 mlrd. teńgeni qurady. Munda jeke ınvestısıa kólemi 80%. Syrtqy ınvestısıalar 23,5%-ǵa artty.

Elbasynyń bastamasymen qolǵa alynǵan memlekettik baǵdarlamalar ekonomıkanyń ósýine zor yqpal etti. Sonyń arqasynda turǵyn úı qurylysy tórt ese ósti. «Nurly Jer» baǵdarlamasy boıynsha 1,8 myń páter salyndy, osy baǵdarlama boıynsha bıyl 4,5 myń páter paıdalanýǵa beriledi jáne qoljetimdi baspana kólemi 1,5 esege artady. Jeke qurylys ta qarqyn alýda, eki jyl ishinde Qalaqurylysy keńesi jalpy quny 1 trln. teńge bolatyn 82 jobany bekitti.

Ótken jylmen salystyrǵanda qalany abattandyrýǵa 2,3 ese, jol salýǵa 1,3 ese,ınjenerlik jelilerge 1,3 ese kóp qarjy bólindi. Naqtyly sharalardyń arqasynda qosymsha 43 myń jańa jumys orny quryldy, bul ótken jylmen salystyrǵanda 1,7 esege kóp.

«Jalpy qalanyń ekonomıkalyq kórsetkishteri, ásirese aǵymdaǵy jahandyq ekonomıkalyq problemalardy eskersek, óte jaqsy. Bıylǵy jyldyń birinshi jartyjyldyǵynda shaharymyzdyń jalpy óńirlik ónimi 4%-ǵa artyp, 4,4 trln. teńgeni qurady» - dedi B.Baıbek.

Sonymen qatar ol keler jyly Almaty da jalpy qýaty 550 myń tonna turmys qaldyqtaryn óńdeıtin jáne 60 myń tonna shıkizat shyǵaratyn arnaıy keshendi iske qosý josparlanǵanyn tilge tıek etti.

Ortalyq komýnıkasıalar qyzmetiniń alańynda ótken esepti baspasóz máslıhatynda Almaty ákimi Baýyrjan Baıbek qaladaǵy kásipkerlikke qatysty aıtyp ótti.

Ákimniń aıtýynsha, búgingi kúni qalada kásipkerliktiń 173 myńnan astam sýbektisi jumys isteıdi, bul ótken jylmen salystyrǵanda 5,7%-ǵa kóp. Indýstrıalızasıa kartasy boıynsha jalpy quny 36,8mlrd. teńge bolatyn 38 joba júzege asýda, osynyń arqasynda 3 myń jumys orny quryldy. Indýstrıaldy aımaqta quny 191,3 mlrd. teńge bolatyn 40 joba qolǵa alynǵan jáne 5 myń jumys orny paıda boldy. Memleket basshysynyń tapsyrmasymen bıznes pen turǵyndardyń talaby boıynsha qalada Almatynyń Basjospar Instıtýty quryldy.

«Bizdiń baǵdarlamanyń basty mindeti - qalada jaıly orta qalyptastyrý. Bıyl júıeli jańǵyrtý jumystaryn qolǵa aldyq, búgingi kúni batystyq standart boıynsha qalanyń tarıhı ortalyǵynyń úshten biri qaıta jasaldy. Qalalyqtardyń orasan qoldaýy arqasynda bul jumys odan ári jalǵasatyn bolady. Raıymbek, Dostyq, Abaı dańǵyldary men Esentaı ózeniniń boıy, ıaǵnı tarıhı ortalyqtyń taǵy da 178 ga jeri modernızasıalanady. Bul shara qalaǵa biryńǵaı arhıtektýralyq kelbet berý úshin júrgizilýde. Biz jaıaý júrginshiler úshin sapaly ınfraqurylym jasaýdamyz ári zańsyz konstrýksıalar, vızýaldy kórinister alynyp tastalýda. Shyndyqqa júginsek, «keleńsiz ekonomıkamen» kúres júrýde», - dedi megapolıs basshysy.

Jalpy,1,3 myń zańsyz kıoskiler, eski úlgidegi bılbordtar súrildi.Búgingi kúni iri saýda oryndary men bazarlarda 40 myńnan astam adam ashyq jumys jasaýda. Eki jyl ishinde ǵana modernızasıaǵa 200 mlrd. jeke qarjy salyndy. Halyqaralyq standarttarǵa saı 16 iri saýda keshenderi ashyldy, beketter stıhıaly bazarlardan arylýda. 1810 kólik beketiniń 40%-y jańardy, jyl aıaǵyna deıin olardyń qatary 70%-ǵa jetetin bolady.

«Qorshaýsyz qala» baǵdarlamasy boıynsha 100 km qorshaý alyndy. Olardyń ornyna jasyl jelekter otyrǵyzylýda. Mysaly, ǵımarat ıeleri 3 myń aǵash otyrǵyzdy, baý-baq ortalyǵy 100 myńǵa jýyq butaqtar satty. Bıyl 28 km aryq jóndeldi. Bul ótken jylmen salystyrǵanda úsh ese kóp, keler jyly 30 km aryq jóndeý josparlanǵan. Qalada sońǵy eki jylda 732 aýla alańdary abattandyryldy, ıaǵnı árbir besinshi aýla. Bul jumys odan ári jalǵasady. «Meniń aýlamdaǵy sport» áleýmettik baǵdarlamasy aıasynda 6 myń bala 75 aýlalyq sport alańdarynda shynyǵýda, olardy kásibı nusqaýshylar jattyqtyrýda.Eger burynǵy jyldary 180 lıft pen 229 kóppáterli turǵyn úıler ǵana jóndelse, al bıyl 199 lıft, 151 úı jańardy. Jaz aılarynda energıalyq tıimdi materldardan 774 km jeli qaıta jasaldy. Nátıjesinde apat pen úzilis 22%-ǵa, jylý joǵaltý 7,4%-ǵa azaıdy.

Ortalyq komýnıkasıalar qyzmetiniń alańynda ótken esepti baspasóz máslıhatynda Almaty ákimi Baýyrjan Baıbek qalanyń bıylǵy jylǵy negizgi áleýmettik-ekonomıkalyq kórsetkishteri jáne taıaý arada júzege asatyn josparlar týraly.

Bıylǵy jyly ýnıversıada men EKSPO kórmesin óte joǵary ótkizgen Almaty qalasy «Doing Business» jahandyq reıtıńinde elimizdi 36- orynnan kórsetken úlken bıznes ortalyǵy.

Ótken aıdyń sońynda Ekonomıkalyq yntymaqtastyq jáne damý uıymynyń alǵashqy kóshpeli, oǵan múshe elderdiń shekarasynan tys otyrysy – Evrazıa aptalyǵy tuńǵysh ret Almatyda ótti. Oǵan 13 memleket úkimetteriniń músheleri, elshiler, halyqaralyq uıymdardyń jáne iskerlik ortanyń ókilderi qatysty. Bul da elimizdiń halyqaralyq arenadaǵy laıyqty orny men saıası-ekonomıkalyq áleýetiniń jarqyn kórinisi, – dedi Baýyrjan Baıbek.

Sonymen qatar, Almaty ınvestorlar úshin óte mańyzdy erekshe jerge ornalasqan. Sondyqtan da «Almaty 2020» Baǵdarlamasynyń basty qaǵıdalarynyń biri – bıznes ahýaldy jaqsartý, qala qurylymyn damytý. Sheteldik kapıtalmen jumys isteıtn kásiporyndardyń 40%-dan kóbi bizdiń qalada. Biz olardyń árqaısysyna kompanıasyn, jumys oryndaryn ashqan, qarjy bóletin, salyq tóleıtin ınvestor retinde qaraımyz. Sońǵy jyldary qalaǵa birqatar «Tokyo Seiko», «Hıkma», «Leory Merlin», «Hertz» syndy birqatar álemdik brendter endi. Investorlarǵa «Bir tereze» qaǵıdasy boıynsha qalalyq qyzmet kórsetý Ortalyǵy men Kazak Invest ókildigi qyzmet kórsetedi.

Bızneske jan-jaqty memlekettik qoldaý kórsetilýde, qarjylyq resýrstar da olarǵa qoljetimdi. Shaǵyn jáne orta bızneske jeńildetilgen nesıe bólýdiń qalalyq jáne memlekettik baǵdarlamalary boıynsha myńǵa jýyq joba iske asýda. Bolashaǵy zor salalarǵa granttar men sýbsıdıalar, preferensıalar qarastyrylǵan, – dep atap ótti Almaty qalasynyń ákimi Baýyrjan Baıbek.

Sondaı-aq iri megapolıs ákimi ındýstrıaldy aımaqta jeńildetilgen túrde ınnavasıalyq, saraptamalyq, ımportty almastyratyn ónim shyǵaratyn óndiris oryndaryn ashýǵa múmkindik beretin daıyn ınfraqurylymy bar jer ýchaskeleri bar ekenin, oǵan 7-i sheteldiktiń qatysýymen iske asatyn 40 iri joba júzege asyp jatqanyna da aıryqsha toqtalyp ótti.

«Smart City»-diń jeti bazalyq jobasy belgilendigi jaıynda Almaty ákimi Baýyrjan Baıbek Ortalyq komýnıkasıalar qyzmetiniń alańynda bolyp ótken esep berý baspasóz máslıhatynda aıtyp ótti.

«Smart City»-diń jeti bazalyq jobasy mynalar: memlekettik qyzmet, qaýipsizdik, kólik, bilim, densaýlyq saqtaý, elektrondy PIK, Big Data.«Open Almaty» atty qoǵamdyq qabyldaýdyń jańa formaty ashyldy munda qala turǵyndaryna bir jerden qyzmet kórsetiledi.

Qaýipsizdik, bilim, densaýlyq saqtaý máselelerine aıryqsha nazar aýdarylýda. Almatyda joldarǵa, aýlalarǵa, mektepterge, saýda ortalyqtaryna 100 myńnan astam kamera qoıylǵan. Sońǵy 2 jylda İİD-niń tehnıkalyq jaraqtanýy 23%-ǵa artyp, 87%-dy qurady. Jergilikti búdjetten İİD-ne 19 mlrd. teńge bólindi, bul ótken jylmen salystyrǵanda 40,6%-ǵa kóp. Jergilikti polısıa qyzmetkerlerin vıdeoregıstratorlarmen, baılanys quraldarymen,planshettermen qamtamasyz etý úshin 1 mlrd. teńge bólindi. Jalpy,qalada tártip buzýshylyq 8,6%-ǵa azaıdy, aýyr qylmystardy ashý 9%-ǵa artty. TJ-dyń aldyn alý úshin jergilikti búdjetten 10 mlrd.teńge bólindi, ıaǵnı 2,6 ese kóp. 9 eń qaýipti marendi kólder buǵaqtaldy, Medeý-SHymbulaq joldarynyń shatqaldary, GES-1 Úlken Almaty ózeniniń jaǵalaýlary nyǵaıtyldy. Jalpy uzyndy 11,6 km bolatyn úsh ózenniń jaǵalaýlary qaıta jasaldy. 2015 jylǵy Qarǵaly ózeni seliniń zardaptary joıylyp, ózen arnasy zamanaýı turǵyda qaıta jasaldy.

Densaýlyq saqtaý salasynda oń dınamıka qalyptasty. Ómir súrý uzaqtyǵy 75,9 jas, bul - elimizdegi eń úzdik kórsetkish. Bıyl densaýlyq saqtaý salasyn qarjylandyrý 9,2%-ǵa artty. Balalar ólimi 2,5 ese azaıdy.Týberkýlóz syrqatyna shaldyqqandardy ambýlatorıalyq emdeý 2 ese ósti, osy syrqattan qaıtys bolǵandar qatary 36%-ǵa tómendedi. 9 jańa obektiniń qurylysy júrýde, onyń beseýi paıdalanýǵa beriledi, segiz nysanda seısmıkalyq kúsheıtý jumystary atqarylýda.2,5 mlrd. teńgeniń medısınalyq jabdyqtary alyndy, jedel járdem parki 25%-ǵa jańardy, 40 jańa zamanýı kólik alyndy. Eki kópprofıldi stasıonarlar bazasy negizinde tikushaq qonatyn alańdar jasaldy.

Jeke medısına uıymdarynyń turǵyndarǵa qyzmet kórsetý úlesi artty.Jeke ınvestısıa esebinen reprodýktıvti medısına Instıtýty ashyldy. Búgingi kúni arnaıy ekonomıkalyq aımaq qaǵıdasy boıynsha qalada úzdik klınıkalardyń halyqaralyq klasterin qurý máselesi qarastyrylýda.

Qala mektepteriniń fızıka, hımıa, bıologıa, lıngofon kabınetteri zamanaýı quraldarmen 100% jabdyqtalǵan. Mektepterdiń barlyǵy keńjolaqty ınternetpen tolyq qamtylǵan. Almatyda alǵash ret «Maker Space» – baǵdarlamalardyń sheberlik ıdeıasy, robottehnıka, 3D prıntıng jobasy qolǵa alyndy. Eki jyl ishinde mektepterde 5,1 myń jańa oryndar ashyldy. Qazirgi kezde 2 mekteptiń,2 qosalqy nysannyń qurylysy júrýde.

Jyl saıyn mektep jasyna deıingi balalar sany 12 myńǵa artýda, ıaǵnı 42 bala baqsha qajet degen sóz. Jeke bıznesti yntalandyrý arqasynda 2 jylda kotejderde 10,4 myń oryndy 262 mektep jasyna deıingi balalar mekemeleri ashyldy. Mektep jasyna deıingi memlekettik balalar mekemelerin ońtaılandyrý barysynda taǵy da qosymsha 1200 oryn paıda boldy. Sonyń arqasynda búgingi kúni mektep jasyna deıingi tárbıemen balalardyń 81,2%-y qamtylǵan,bul OESR elderi (84%) deńgeıimen birdeı. Sońǵy eki jylda Qalaqurylysy keńesinde jeke ınvestorlar esebinen 7 myń oryndy 54 bala baqsha salý máselesi qaraldy, sonyń arqasynda 14 mlrd. teńge búdjet qarjysy únemdeldi. Bıyl tuńǵysh ret bir mezette 21 mektep pen 7 mektep jasyna deıingi mekeme nysandary seısmıkalyq jaǵynan kúsheıtildi, bul rekordtyq kórsetkish.

Almaty qalasynyń ákimi Baýyrjan Baıbek Astana qalasy Ortalyq komýnıkasıalar qyzmeti alańynda ótken brıfıń barysynda qala ekologıasy jaıynda aıtyp ótti. Sonymen qatar megapolıs basshysy kólik problemalary men joldar salyný isine toqtalyp ótti.

"Jaıly qalanyń basty kórsetkishi - jaqsy ekologıa. Búgingi kúni jeke sketordyń 96 paıyzy gazǵa kóshirilgen, 2019 jyldyń ıaaǵyna deıin qala tolyq gazdandyrylady. Prezıdenttiń tapsyrmasy boıynsha TES-2 gazǵa kóshiriledi, TES-1-di jańǵyrtýdyń JSQ jasalýda. Keler jyly jalpy qýaty 550 myń tonna turmys qaldyqtaryn óńdeıtin jáne 60 myń tonna shıkizat shyǵaratyn arnaıy keshendi iske qosý josparlanǵan. Eki jyl ishinde 59 myń jańa aǵash otyrǵyzyldy, jyl aıaǵyna deıin taǵy da 15,6 myńy otyrǵyzylady. «Almaty aportyn» qaıta jańǵyrtý úshin 32 ga jerge 5,9 myń alma aǵashtary otyrǵyzyldy. Energıany jańartý jobalary - káriz júıelerine bıogaz qondyrǵylaryn, Kishi Almaty ózeni arnasyndaǵy kishi gıdroelektrostansıasyna tıimdi jabdyq ornatý qolǵa alyndy", - deıdi Almaty ákimi Baýyrjan Baıbek.

Onyń aıtýynsha, kólik problemasyn sheshý ekologıany jaqsartatyny belgili. Almatyda kún saıyn 700 myńnan astam avtomobıl júredi.

"Kólik zalaly 80%, sondyqtan bolashaqta qoǵamdyq kólikti reformalaý isi jalǵasatyn bolady. Metronyń eki beketiniń qurylysy júrýde, keler jyly MJÁ qaǵıdasy boıynsha JRK qrylysyn qolǵa alý josparlanǵan. Qazir qalanyń qoǵamdyq kólik parki 1,4 myń birlikti quraıdy, olardyń 60%-y gazben júretin avtobýstar men troleıbýstar. Bıyl qala avtoparki 530 jańa avtobýspen tolyǵady, olardyń 211-i baǵyttar boıynsha jolǵa shyqty. Eki jyl ishinde «OŃAI!» júıesi boıynsha 20 mlrd. teńgege 350 mln. tranzaksıalandy. Tasymaldaýshylardyń negizi tabysy eki ese ósti. FalconEuroBus kompanıasymen birge elektroavtobýs shyǵaratyn zaýyt salynady", - dep aıtyp ótti ákim.

Sonymen qatar, qalada uzyndyǵy 21 km bolatyn «Orbıtadan Kókbazarǵa deıin» velodálizi jáne 68 km velojoldar jasalatyndyǵy tilge tıek etti. Onyń aıtýynsha, «Almaty Bike» velostansıasy 200-den 1730-ǵa artqan.

"Kishi kólik aınalymy, BAKAD baǵyty boıynsha úsh radıaldy joldar salyndy. Úkimettiń qoldaýy arqasynda Abaı dańǵyly qala shekarasyna deıin úńgilenýde. 30 km jańa joldar, jol aıryqtary, magıstraldi kósheler jasalýda,180 km jol ortasha jóndeýden ótti, bul burnaǵy jyldarmen salystyrǵanda 2 ese kóp. 7 kópir jańardy, 5 ótpeli jol salyndy. Aqyly kólik turaqtaryn engizý barysynda búdjet túsimi 5 ese kóbeıdi", - deıdi Baýyrjan Baıbek.

Búgin Astanadaǵy Ortalyq komýnıkasıalar qyzmetiniń alańynda ótken esepti baspasóz máslıhatynda Almaty ákimi Baýyrjan Baıbek qalada «Rýhanı jańǵyrý» baǵdarlamasyn júzege asyrý maqsatynda jasalyp jatqan sharalar jaıynda aıtyp ótip, Elbasynyń baǵdarlmalaqy maqalasy aıasynda birshama isterdi júzege asyrýǵa basa kóńil bólinip jatqandyǵyna toqtalyp ótti.

Almaty ákiminiń aıtýynsha, qalada «Rýhanı jańǵyrý» baǵdarlamasyn júzege asyrýǵa aıryqsha nazar aýdarylǵan. Búgingi kúni quny 87 mlrd. teńgeden astam 125 joba qolǵa alynǵan.

«Týǵan jer» jobasyna bıznes belsendi túrde aralasyp, áleýmettik nysandar salýda. Jeke qarjy esebinen Naýryzbaı aýdanynda 500 adam qatynaıtyn emhana, 1,2 myń oryndy mektep salyndy. Alataý aýdanynda jeńilatletti stadıon iske qosyldy. Bolashaqta halyqaralyq deńgeıdegi baqqa aınalatyn Almatynyń Botanıkalyq baǵyn modernızasıalaý jobasy qolǵa alyndy. «Rýhanı jańǵyrý» baǵdarlamasy boıynsha kıeli jerler tizimi jasaldy, olar 22 obekt, onyń ishinen 5 obekt Qazaqstannyń kıeli jerler kartasyna endi», - deıdi ákim.

«Búgingi kúni qala turǵyndarynyń basym bóligi - 35 jasqa deıingi jastar, elimizdiń árbir 3-shi stýdenti Almatyda oqıdy, sondyqtan 2020 jylǵa deıingi jastardyń qalalyq Jol kartasy jasaldy. Syrttan kelgen jastardy iskerlikke, erikti bolýǵa jáne basqa da kásipterge baýlıtyn Loft-ortalyq ashyldy. Qazirdiń ózinde 7,8 myń adam jumysqa turdy.2,5 myń adamǵa tegin kásibı bilim berilýde. Qalada «Almaty jastary» atty jastardyń turǵyn úı baǵdarlamasy qolǵa alyndy, munda 35 jasqa deıingi jastar jeke páter alý úshin jeńildetilgen zaem ala alady. «Almaty» UK ÁKK» AQ jastar úshin jataqhana salatyn bolady. Bıyl biz «Rýhanı jańǵyrý» jobasy aıasynda 2000 oryndy 4 jataqhana salamyz. Keler jyly 2,4 myń oryndy taǵy da 2 jataqhana qurylysy bastalady», - dep qosa aıtyp ótti Baýyrjan Baıbek.

Qalaǵa qosylǵan eldi mekenderdi damytý jumystary qarqyndy júrýde. Eki jyl ishinde Alataý jáne Naýryzbaı aýdandarynda ákimshilik- iskerlik ortalyqtar qalyptasty. Ýnıversıada arqasynda 1,7 myń kezekte turǵandar Atletter aýylynan jaıly páterler aldy. Jalpy, 9 jyl ishinde Alataý aýdanyn damytýǵa 300 mlrd. teńgeden astam qarjy jumsaldy, onyń 42%-y salyq retinde qaıtaryldy. Naýryzbaı aýdany qurylǵaly beri 53 mlrd. teńge jumsaldy. Qazirdiń ózinde bul qarjynyń tórtten biri qaıtaryldy, aýdanynda salyq túsimi 11 ese ósti. Aýdanda ákimdik, AİİD, salyq, ádilet, sot, prokýratýra, HQKO, Qazposhta, zeınetaqy tóleý ǵımarattary paıdalanýǵa berildi.

Almaty qalasynda bıyl 43 myń jańa jumys orny ashyldy.

Naqtyly sharalardyń arqasynda qosymsha 43 myń jańa jumys orny quryldy, bul ótken jylmen salystyrǵanda 1,7 esege kóp. Bul týraly Almaty qalasynyń ákimi Baýyrjan Baıbek Ortalyq komýnıkasıalar qyzmetinde ótken brıfıńte atap ótti.

Ótken jylmen salystyrǵanda qalany abattandyrýǵa 2,3 ese, jol salýǵa 1,3 ese, ınjenerlik jelilerge 1,3 ese kóp qarjy bólindi. Elbasynyń bastamasmen qolǵa alynǵan memlekettik baǵdarlamar boıynsha páterler salynyp, 120 mlrd. teńgeni quraıtyn 23 joba iske qosylyp, 6,5 myń jumys orny ashyldy. Sonymen qatar Indýstrıalandyrý kartasynda 36,8 mlrd. teńgege 38 joba júzege asyrylyp, 3 myń jumys ornyn ashty.

Ónerkásiptik aımaqta joǵary eksporttyq áleýetke jáne jańa tehnologıalarǵa erekshe kóńil bólindi. Osyǵan baılanysty 191,3 mlrd. teńgege 40 joba iske asyrylýda, onyń 15-i belsendi túrde salynýda. Osynyń arqasynda 5 myńǵa jýyq jumys orny quryldy.

Pekın qalasymen birlese otyryp «Asia Steel Pipe» Qazaqstanǵa ákelinetin bolat qubyrlar naryǵynyń 40% ımportyn, al ekinshi satysy japondyq «Tokyo Rope» zaýytyn Almatyda qurý júzege asty.

Bıznestiń jol kartasy iske asyryla bastaǵannan beri 18,7 mlrd. teńge bólindi, 1 myńnan astam joba qolǵa alyndy. Sonymen birge, jarty jyl ishinde qatysýshylarǵa 31 mlrd teńgeden astam salyq tólendi.

Osylaısha, memlekettik baǵdarlamalardyń arqasynda barlyǵy 20 myńnan astam jumys orny ashyldy. Jobalar boıynsha aıtarlyqtaı ekonomıkalyq qaıtarymdar qamtamasyz etiledi.

«Qala turǵyndaryn jáne qala mańyndaǵy qalaǵa kelip jumys atqaratyn halyq úshin qolaıly transporttyq júıe júzege asyrylýda» dedi qala ákimi Baýyrjan Baıbek myrza.