Shvesıadaǵy Eskılstýn qalasyndaǵy meshitke belgisiz bireýler órt qoıǵan. Saldarynan 5 adam zardap shekti.
DW agenttiginiń habarlaýynsha oqıǵa beısenbi, ıaǵnı rojdestvonyń alǵashqy kúni oryn alǵan. Oqıǵa kýágerleriniń aıtýynsha órt shyǵar aldynda meshit terezesine belgisiz zattyń laqtyrylǵanyn aıtqan. Qulshylyq úıi kóp qabatty úıdiń birinshi qabatynda ornalasqan. Órttiń sebebinen turǵyndardy ýaqytsha turaqqa aýystyrýǵa týra kelgen. Órt shyqqan sátte 20 adam páterlerinde bolǵan eken. Aýrýhanaǵa túsken adamdar túrli dene jaraqatyn alǵandar men gaz ısinen ýlanǵandar. Jergilikti polıseılerdiń málimetinshe zardap shekkenderdiń jaǵdaıy qalypty, ómirlerine qaýip tónip turǵan joq. Quqyq qorǵaý organdary zertteý amaldaryn júrgizgenimen kúdiktini anyqtaı almaı otyr.
Shvesıadaǵy Islam odaǵynyń tóraǵasy Omar Mýstafa SR radıosyna bergen suhbatynda jergilikti halyqtyń «musylmandarmen qarym-qatynastary» qıyn jaǵdaıda turǵanyn aıtty.
