Jańa ǵana "qarabettermen qalaı kúresý kerek" degen jazba jarıalap edim. Sony jasaý úshin, alysqa barýdyń qajeti joq. Jańa tarıhymyzdaǵy bir mysal aıtaıyn. Jańaózen qyrǵynynan keıin áldebireýler ony umyttyrý úshin "Atyn Beket-ata qoıalyq" dep jalpańdaǵandar boldy. Solardyń bireýin jergilikti qazaq qarabet qyldy. Aldynan keltirdi. Shaqyrǵan toıyna barmady. Sol otyrǵan jerge qonaqqa barmaıtyn boldy dep estidim. Aqyry bul deıateldi Astanaǵa alyp ketti. Adamdy túrmesiz túrmege túsiretin qoǵamdyq pikir degen osy. Bizder erekshe halyqpyz ǵoı. Týysshylmyz, kópshilmiz. Qonaqqa barýdy da, shaqyrýdy da jaqsy kóremiz. Toıdan qalsaq, toıǵa shaqyrmasa renjıtin halyqpyz. Qolda bılik bolmasa da qoǵamdyq qatynastardy osy arqyly rettep otyrǵanbyz. Sózden, ǵaıbat sózden qorqatyn, qashatyn halyqpyz. "Myna qarabetpen bir dastarhanda otyrmaımyn" degen bir ǵana sóz kerek sıaqty. Soǵan jetkilikti namys qajet sıaqty, ar kerek sıaqty. Ázirge osynyń ózi jetkilikti. Odan artylyp jatsaq, tipti jaqsy. Tyǵyryqtan shyǵaratyn dástúr degenimiz osy shyǵar.

(Aıdos Sarymnyń feısbýktegi paraqshasynan)