(satıra)

(Qazaqstan estradasynyń juldyzy Qaırat Nurtas Lada.kz tilshilerine bergen suhbatynda óziniń aldaǵy ýaqytta saıasatqa ketýdi josparlap júrgenin aıtty.)

Mine osy aqparat taraı salysymen aıdaladaǵy aýldy aıaǵynan tik turǵyzdy. Ásirese qosyp aıtpasa kóńili tolmaıtyn tentek kelinshekter qaýymy bul habardy qoltyqtap jurip, kómeıinen qosa júrip, aııadaı aýyldy alty aınaldyrdy.

“Qaırat Nurtas depýtat bolady eken...”

Qyzdar men kelinshekter arasynda gý-gý ósek, bireýi bolady, bireýi bolmaıdy deıdi.

Búgin Pálenbaı aqsaqaldyń jupyny januıasynda, tańǵy sháı ústinde, kelinderi kózin tyrnap ashyp uıqysynan turǵan bette Qaırattyń áńgimesi qaıta qozǵaldy.

─ Ólááá, Qaırat Nurtas depýtat bolam depti ǵoı, – dep kishi kelin ernin sylp etkizdi.

─ Úıbaı, bolsa bolsyn, ánmen bıdi qatyrady ǵoı! – dep ekinshi kelin emeýrin tanytty.

─ Qursyn, masqara ǵoı ol, Qudaı-aý sol Qaıratyń álaýlaılym men halaýlaılymnan basqa ne bilýshi edi eı, halyqtyń sózin qalaı sóıleıdi?! ─ dep úlken kelin kózin alaıtty.

─ Án aıtqan adam sózde sóıleı alady ǵoı! – dep kenje kelin qabaǵyn shytty, – Bolmasa fonogrammen aıtar.

Manadan beri kempiriniń qasynda qaqshıyp otyrǵan Pálenbaı aqsaqal sózge aralasty.

─ Áı , sol júgirmekteriń qashan depýtat bolady eken.

─ Bilmeımiz, ata ! – dep, kelinderi jarysa jaýap berdi.

─ Mmm, – dedi Pálenbaı qart, – bolsa, tez bolsa eken. Qazirgi ótirik ýádeni úıip berip qur sózben quıryǵy tesilgenshe otyratyn myna shendilerden ábden jalyqtyq. Odanda myna balań parlamette otyryp án salyp kóńildi kóteredi ǵoı?!

Túgenbaı kempirde dál osy arada shalyn qostaı sóılep saıası saýattylǵyn kórsetti.

─ Áı, shal, durys aıtasyń, onda depýtattyqqa Zattybek pen Aqylbekti de qosa saılaý kerek. Qazirgilerdiń oryssha uranyn tyńdap sharshaǵan halyqtyń Zattybek úkimet otyrysyn «Aqmarjan» ánimen, Al anaý Aqylbek senat otyrysyn «Qyzyl órik» ánimen bastasa aýyldyń kempir shaldary bir bılep, jyrǵap qalar edi, – dep keńkildeı jóneldi.

Álginde ǵana Qaıratty aıtyp otyrǵan kelinshekterine zyǵyrdany qaınap otyrǵan kúıeýleri qosa kúldi. Biraq Pálenbaı shal kúlgen joq kempiriniń Zattybekti aıtqanynna renjýli edi.

Jumadil Jarqynbek