42 jastaǵy máskeýlik Borıs (aty ózgertilgen) parashút sportynyń mamany, bıznesmen jyl saıyn qaıyrymdylyq qorlaryna qomaqty qarjy jiberedi. Alaıda áıelimen ajyrasqannan keıin ony dalaǵa qýyp jibergen. Jáne osy qylyǵyna esh ókinbeıdi de.  Bul týraly Lenta.rý jazady.

«Meni kinálaıtyndarǵa aıtarym: maǵan báribir. Men barlyǵyn balalarym úshin istedim. Áıelimniń kózin qurtý, ony tómendetý meniń oıymda bolǵan joq. Basty maqsatym- meniń jáne otbasymnyń ómir súrýine kedergi keltirgen jaǵdaılardyń kózin joıý boldy»-deıdi ol.

«Lenamen 2006 jyly tanystyq. Ol meniń jańadan ashylǵan kompanıama jumysqa turdy. Kúnde birge jumys istep, jaqyndasyp kettik. Ol azamattyq nekede turǵan, 1 qyzy bar bolatyn. 2007 jyly úılendik. 2008 jyly uldy boldyq. Taǵy 3 jyldan keıin taǵy bir ulymyz týyldy. Bastapqyda barlyǵy jaqsy bolatyn. Lena jumys istegen joq. Balalardy qarady, úıdiń jumystaryn istedi. Men jumys istep, aqsha taptym».

«Bosanǵannan soń, Lenada depressıa bastaldy. Kúni boıy úıde otyryp, jylap-syqtap, úndemeı otyryp alatyn boldy. Balalarǵa da qaramaı ketti. Tipti, olardy balabaqshadan, mektepten alyp ketýdi de umytty. Osy ýaqytta kórshilerimizben urys-keris oryn alyp, Lenanyń ákesi qaıtys boldy.  Osy jaǵdaılar da onyń júıkesine áser etti. Bala kútýshisin jaldap, tynyqsyn dedim. Alaıda, bul kezde onyń júıkesi syr bergen edi...».

«Osy ýaqytta ony jumysqa turǵyzdym. Biraz ýaqyt jaqsarǵandaı, ózgergendeı boldy. Bir jyl jaqsy, tatý-tátti ómir súrdik. Týra bir jyldan soń, úıde otyram, jumys istemeımin degen soń, jumystan shyqty. Qarsylyq bildirgen joqpyn. Balalardy qarap júrdi. Arada biraz ýaqyt ótken soń onyń kúndelikti iship júrgenin bildim. Narkologqa apardym, nevrozdar   aýrýhanasyna jatqyzdym. Ol jerden shyqqan soń, Lena ishpeıtin boldy, biraq esi aýysyp shyqty. Úıge daladan qoqys zattardy jınaýdy shyǵardy. İshýdi qoısa da, endi úıdiń barlyǵy qoqys pen bótelkelerge tolyp jatatyn boldy.

Ózińiz elestetińshi, as úıde daladan ákelingen qoqystar jatyr, al balalaryńyz olarmen oınap jatyr. Masqara ǵoı!»-deıdi Borıs.

Osydan keıin zattaryn qolyna berip, dalaǵa shyǵaryp tastadym. Anańnyń úıine barǵanyń durys dedim. Formaldi túrde áli erli-zaıyptymyz. Biraq, onyń anasy meniń balalarym men úıimdi tartyp almaqshy.

«Neke-bul seriktestik, adamdy súıretip, barynsha qutqarýǵa tyrysyp, emdetýge boldy, biraq odan men de, balalar da zardap shegedi. Al ol adam saǵan istelip jatqan jaqsylyqty, kómekti túsinbese, odan ne táıiri?».