Búgin oblys ákimi Amandyq Batalov Uly Otan soǵysynyń ardagerleri, İle aýdany Boraldaı kentiniń turǵyndary Ivan Danılovıch Tájkorob  pen Kósherhan Álimbaıuly Álimbaevtyń  otbasynda bolyp, Elbasy Nursultan Ábishuly Nazarbaevtyń atynan kele jatqan Jańa jyl merekelerimen quttyqtady, dep habarlady oblys ákiminiń baspasóz qyzmeti.Óińir basshysy Uly Otan soǵysy ardagerlerine Memleket basshysy qol qoıǵan arnaıy quttyqtaý hattaryn jáne syılyqtar tabys etti. Oblys ákimi A.Batalov ardagerlerge Elbasynyń ystyq sálemin jetkizip, elimizde Nursultan Ábishulynyń syndarly saıasaty nátıjesinde atqarylyp jatqan sharalar men Uly Jeńistiń 70 jyldyǵyna daıyndyq jumystary jóninde keńinen aıtyp berdi. Óz kezekterinde ardagerler Elbasyna rızashylyqtaryn bildirdi. - Birinshiden, Elbasyna myń márte rahmet. Nursultan Nazarbaevtyń arqasynda elimiz qudaıǵa shúkir, órkendep, damý ústinde. Qazaqstanymyz qazir búkil álemge tanymal. Mereke qarsańynda soǵys ardagerlerin eske alyp, arnaıy quttyqtaý jiberýi bizderdi qatty qýantyp tastady. Sheksiz rızamyz. Elbasy aman bolyp, elimizdi bıik belesterge bastaı bersin, - dedi 92 jasar Kósherhan Álimbaev. KósherhanÁlimbaev  qazir 92 jasta. Aqtóbe oblysy, Yrǵyz aýdanynda týǵan. 1942 jyldan bastap Ýkraına, Belarýs, Baltyq jaǵalaýynda soǵysqa qatysqan. Japonıa soǵysyna atsalysyp, 4 ret qatty jaraqat alǵan. Ivan DanılovıchTájkorob  1927 jyly týǵan. 1942 jyly Qyzyl ásker qataryna shaqyrylyp, soǵysqa qatysqan.