Almaty oblysynyń soǵys ardagerlerine Elbasynyń quttyqtaý haty tabystaldy dep habarlaıdy "QazAqparat". Búgin oblys ákimi Amandyq Batalov Almatydaǵy «Qazaqstan» qonaq úıinde Jetisý óńirindegi ardagerlermen - memleket jáne qoǵam qaıratkerlerimen, kezinde partıa organdarynda, basshylyq qyzmetterde bolǵan azamattarmen, soǵys jáne eńbek ardagerlerimen kezdesti. Bul týraly oblys basshysynyń baspasóz qyzmetinen habarlady. Basqosýda oblys ákimi Prezıdenttiń «Nurly jol - bolashaqqa bastar jol» atty Joldaýyndaǵy tapsyrmalardy oryndaýda alǵa qoıǵan mindetter týraly baıandady. Sonymen qatar óńirdi damytýdaǵy josparlaryn da aıtyp ótti. Jáne 2015 jyly atap ótiletin mereıli datalar, sonyń ishinde, ásirese, Uly Jeńistiń 70 jyldyǵyn merekeleýge baılanysty oı bólisti. - Mereıtoılardy laıyqty deńgeıde ótkizý úshin jan-jaqty uıymdastyrý jumystary jasalýda. Oǵan sizder de atsalysady degen oıdamyn. Halqymyzda «Elge jasaǵan jaqsylyq elenbeı qalmaıdy» degen sóz bar. Búgingi kezdesýdi Sizderge kórsetilgen qurmet pen iltıpatymyz dep qabyldańyzdar. Qaı kezde de aǵa urpaqty ardaqtap, jaqsy ónegesin jalǵastyrý - bizdiń paryzymyz, - deı kele Jańa 2015 jylmen quttyqtap, izgi tilegin bildirdi. Óz kezeginde ardagerler de pikirlerin aıtyp, usynys-tilekterin jetkizdi.