Jambyl oblysynyń ardagerleri Prezıdent syılyǵyn qabyldady

/uploads/thumbnail/20170708161326748_small.jpg

Jambyl oblysynda Uly Otan soǵysynyń 253 ardageri Prezıdent atynan jańajyldyq syılyq aldy dep habarlaıdy "QazAqparat". TARAZ. QazAqparat - Qazaqstan Prezıdenti N.Á. Nazarbaevtyń tapsyrmasy boıynsha búgin Jambyl oblysynyń ákimi Kárim Kókirekbaev tarazdyq tórt ardagerdi Jańa jyl merekesimen quttyqtap, Prezıdent atynan jańajyldyq syılyqtar tabys etti, dep habarlady oblys ákimi baspasóz qyzmetinen. 93 jastaǵy Ýetaı Álimqojaev Uly Otan soǵysy jyldary 307-shi polk 61 dıvızıa jáne 319 zenıtti-artıllerıalyq polk qyzmetiniń bastyǵy bolǵan. «Eńbek Qyzyl Tý», İ dárejeli «Uly Otan soǵysy», «Qurmet», «Qyzyl juldyz» ordenderimen, medaldarmen marapattalǵan. Beıbit ýaqytynda partıa qurylymdarynda eńbek etti. Qazaq KSR eńbek sińirgen mádenı qyzmetkeri, KSRO kınematografıasynyń úzdigi, halyq aǵartý isiniń úzdigi. Halıýolla Darmahanov Don, Baltıka úshin urysqa qatysyp, Birinshi Belarýs maıdanynda aıqasty, eki ret jaralanǵan, emdelgennen keıin sapqa qaıta oraldy. İ dárejeli «Uly Otan soǵysy», İİ dárejeli «Dostyq» ordenderimen, eki «Qyzyl juldyz» ordenimen, «Stalıngradty qorǵaǵany úshin», «Áskerı eńbegi úshin» medaldarmen jáne mereıtoılyq medaldarmen marapattalǵan. Soǵystan keıin 20 jyl Ortalyq Azıa men Lenıngrad óńirlerindegi áskerı bólimderdiń jas sarbazdaryn áskerı tásilderge úıretýmen aınalysqan. 89 jastaǵy Aleksandra Sergeevna «Qyzyl qalampyr» ardagerler horynda án aıtady, 2000 jyly «Kolosok» óz horyn qurdy. 88 jastaǵy UOS ardageri Vıktor Karpasov Batys, qıyr shyǵys maıdanyna qatysqan, aıqasta aýyr jaraqat alǵan. Uly Otan Soǵysy ordenderimen, 17 medalmen marapattalǵan. Beıbit ómirde temir jol salasyndaǵy adal eńbegi úshin qurmet partıalyq gramotalardyń ıegeri atanǵan. UOS ardagerlerin qoldaý boıynsha QR Prezıdentiniń jalpulttyq aksıasy sheńberinde Jambyl oblysynyń 253 ardageri Prezıdentten syılyq aldy. Aldaǵy 2015 jyl - Uly Otan soǵysynyń 70 jyldyǵy, TMD elderinde Ardager jyly ekenin atap ótemiz.

Jambyl oblysynyń ardagerleri Prezıdent syılyǵyn qabyldady

Qatysty Maqalalar