5115 soǵys ardageri Memleket basshysy atynan jańajyldyq syılyqtar alady. Bul týraly Aqordanyń baspasóz qyzmetinen habarlady. Aldaǵy 2015 jyl Uly Otan soǵysyndaǵy Jeńistiń 70 jyldyǵy jáne TMD elderindegi Ardagerler jyly bolmaq. Jańa jyl qarsańynda, 26 jeltoqsan men 30 jeltoqsan aralyǵynda Qazaqstan Prezıdentiniń búkil elimiz boıynsha Uly Otan soǵysynyń ardagerlerin qoldaý jónindegi TMD elderinde balamasy joq, jalpyulttyq biregeı aksıasy ótedi. Respýblıkada turatyn 5115 soǵys ardageriniń árqaısysyna oblys, qala jáne aýdan ákimderi arnaıy baryp quttyqtap, Memleket basshysy atynan jańajyldyq syılyqtar jıyntyǵyn tapsyratyn bolady. Sonymen qatar, Qazaqstan Prezıdentiniń tapsyrmasymen Uly Otan soǵysyndaǵy Jeńistiń 70 jyldyǵyn merekeleý jónindegi arnaýly is-sharalar jospary bekitildi. 2015 jylǵy 7 mamyr - Otan qorǵaýshylar kúni Memleket basshysynyń qatysýymen mereıtoılyq saltanatty áskerı sherý ótkizý josparlanýda.