31 jastaǵy aktrısa Marına Orlova ashyq suhbat barysynda jaqynda qaıtys bolǵan satırık Mıhaıl Zadornovpen qarym-qatynasy jaıynda sóz qozǵady.

Ártistiń aıtýynsha, bári bir ánniń sózinen bastalǵan. Mıhaıl Zadornov Orlovanyń oryndaýyndaǵy «Moı genıı» ániniń sózinen erekshe áserli kúıge engen.

«Ol dál osy ándi konsertte oryndap berýimdi ótindi. Men oryndap berdim. Keıin ózge de ánderdi oryndaı bastadym. Sahnada Zadornov syndy zıaly qaýymnyń aldynda turyp án shyrqaý meniń armanym bolatyn», - dedi aktrısa.

Ýaqyt óte kele Zadornov Marınaǵa týǵan ólkesin tanystyrady.

«Ol tabıǵı sulýlyqty baǵalaıtyn. Meniń múldem boıanbaı júrýimdi talap etetin. Al konsertterge, merekelik keshterge aq nemese ashyq tústi qarapaıym kóılek kıgenimdi qalaıtyn. Sahanaǵa jyltyrap shyǵýymdy qalamaýshy edi. Men túrli festıváldarǵa qatysý úshin shetelge jol júretin kezderimde ashýlanatyn, sóıtip birde týǵan kúnime qyzyl kilemshe alyp beretinin aıtty. Ol kilemsheni úıime tósep qoıyp, ári-beri júrýim úshin... Zadornov úshin men Marınýshka boldym», - dep esine túsirdi Marına Orlova.

 Sondaı-aq Marınanyń aıtýynsha, satırıktiń energıasy da mol bolǵan. Eshteńeden qoryqpaıtyn, kez kelgen táýekelderge baratyn. Ádebıetti jaqsy kórdi, ózi kitaptar jazdy, kóp saıahattady, salaýatty ómir saltyn ustandy.

Ári aktrısa Zadornovtyń birinshi áıelin tanymaǵanyn aıtady. Ekinshi áıeli men qyzyn bilgenimen, jeke tanyspaǵan. Al Zadornov qyzy jaıynda jıi aıtqan kórinedi.

Marına Zadornovtyń sońǵy mýzasy jáne ǵashyǵy bolyp qaldy. Alaıda aktrısa halyqtyń sózin joqqa shyǵaryp otyr. Ol satırıkti óziniń ustazy jáne dosy retinde qabyldaǵanyn aıtady.

«Mıhaıl Zadornovtyń ólimi – men úshin, halqylym úshin úlken qaıǵy», - dedi Orlova.

Aıta keteıik, reseılik jazýshy ári satırık Mıhaıl Zadornov 70-ke kelgen shaǵynda 10 qarashada ómirden ótti.