Kavkazda  qalyńdyqty alyp qashý dástúri bar. Birneshe ǵasyrlyq tarıhy bar bul dástúr  eki ǵashyq bir-birimen kelise otyryp nemese týysqandarymen kelise otyryp júrgiziledi. Alaıda, kóp jaǵdaıda qalyńdyq óz erkinen tys urlanady. Ata-anasynyń, qalyńdyqtyń  kelisiminsiz  alyp qashý kezinde kúıeý jigit múlde tanys emes adam bolýy da yqtımal. Qyzdy alyp qashqan soń, ata-anasy ony kúıeýiniń úıinde qaldyrýǵa kóndiredi, sebebi olar halyq arasynda taralatyn ósekten uıalady. Qamshy.kz  aqparat agenttigi  "urlanǵan" qalyńdyqtardyń oqıǵalaryn Lenta.rý-ǵa silteme berip usynady.

Mzıa

«Men 15 –te bolatynmyn. Qazir 21-demin. Kúıeýim meni Taýly Bako degen jerden kórip qalǵan. Sol kezde menimen birinshi ret sóılesti. Sodan keıin urlap ketti. Kóligine otyrǵyzyp alyp kete bardy. Olar bes adam boldy, meniń shamam kelgen joq. Óte erte turmysqa shyqqym kelgen joq. Alaıda, er adam kúshtirek qoı.. Qazir 2 balamyz bar»

Dalı

«Meni 14 jasymda alyp qashty. Bolashaq kúıeýimdi tanymaıtynmyn. Meni bir ret jergilikti meıramhanalardyń birinde kórip qalǵan. Sodan keıin alyp qashty. Qarsylyq kórsettim, soqqy aldym.. Kelistim, sebebi jas edim. Meni taýǵa alyp ketti. Toıymyz bolǵan joq.

Qazir eki balamyz bar: qyz ben ul. Qazir 26-damyn. Men buny romantıkalyq jaqsy dástúr dep sanamaımyn»-deıdi.

Lalı

«Qazir 21-demin. 18 jasymda meni alyp qashty.  Men ony múldem tanymaıtynmyn. Qarsylyq kórsettim, alaıda ol týystaryma habarlasyp, kelisti. Toı bolǵan joq. Qazir otbasyn turǵanymyzǵa 3 jyl boldy, eshqandaı ókpem joq.

Teona

«Kórshi aýylda júrgende bir-birimizdi kórip qaldyq. Ol meniń qasyma kelip: Júr, menimen birge barasyń! Birge turamyz, birge ómir súremiz!-dedi. Men kelistim. Alyp qashqan kezde men 15 jasta edim. Birge bolǵanymyzǵa 10 jyl boldy. Úsh balamyz bar».