Bas prokýratýrasynda ótken «Kásipkerlik salasyndaǵy prokýratýra qadaǵalaýy» atty bıznesti qorǵaý boıynsha II forýmda «Atameken» QR UKP Tóralqa Tóraǵasy Tımýr Qulybaev Ulttyq palata men Bas Prokýratýranyń birge atqaryp jatqan jumystyń tıimdiligin erekshe atap ótti. Búginde birlese atqarylǵan jumystyń naqty nátıjesi aıqyn ekenin aıtty dep habarlaıdy Qamshy.kz aqparat agenttigi.

«Atameken» úsh jyl ishinde Bas prokýratýramen etene jumys atqarýda. Bul ortaq alań kásipkerlerge tıimdi alańǵa aınaldy. 2016 jyly alǵashqy forýmdy sátti ótkizdik, máselelerdi aıqyndadyq, qaı baǵytta qozǵalý kerek ekenin baǵdarladyq. Byltyr ótken forýmdaǵy Bas prokýratýranyń jańashyl qadamdaryna bıznesmender arasynda kúmánmen qaraǵandar da bolǵan, alaıda búgin aıtylǵan is nátıjesin kórsetýde. Bas prokýratýranyń róli ózgerip keledi, endi bul jazalaýshy organ emes kásipkerlerdi qorǵaıtyn qoldaýshy organǵa aınaldy. Barlyq ruqsat beretin júıelerde úderis jaqsy júrip jatyr», – dedi Tımýr Qulybaev.

Máselen, prokýratýra organdary óz bastamasymen kásipkerlerdi tekserýden bas tartty (2016 jyly 949 tekserý júrgizildi, endi tekserýler qatań túrde QR Prezıdenti jáne Bas Prokýratýra tapsyrmasymen júredi), sonymen qatar mundaı tapsyrmany berýge ókiletti prokýrorlar sany da qysqardy (2016 jyly prokýrorlar tapsyrmasyen 3682 tekserý júrgizildi. Tapsyrmany 683 prokýror bere alǵan, endi 68 ǵana prokýror qalady).

«Atameken» QR UKP basshylyǵy jyl saıyn óńir kásipkerlerimen turaqty túrde kezdesip, aımaq tynysyn baıqaıdy. Prokýratýranyń kásipkerlerge jasaǵan qadamy óńirde de baıqala bastaǵan, aıtarlyqtaı oń ózgeris bar. Biz quqyq qorǵaý organdarynan bolatyn qysym 82%-ǵa azaıttyq, 2015-2016 jyldary 7900 qylmystyq is qozǵalsa, al 2017 jyly olardyń sany 1400 bolǵan, ıaǵnı qylmystyq is sany aıtarlyqtaı tómendedi. Baqylaý-qadaǵalý organdardyń bızneske qysymy azaıdy», – dedi Tóralqa Tóraǵasy.

Aıta ketelik, byltyr amnıstıa jasalyp, jazalanǵan 600 bıznesmen kásipkerlikpen jumys isteýge ruqsat alǵan. Sonyń nátıjesinde birlesken jumys arqyly bıznestiń anyqtalǵan júıeli 570 másele ishinde 362 másele sheshim taýyp, 58 sheshilý deńgeıinde bolsa, qalǵan 150 organdarmen talqylanýda. «Atamekenge» kelip túsetin shaǵymdar sany azaıýda – 2016 jylydń 9 aıy boıynsha 5400 ótinim tússe, bıyl 4000 ótinim tústi. Aıta ketý kerek, ótinimder qurylymy da ózgergen, eger buryn jer máselesi (12%) jáne salyqqa (9%), qatysty bolsa, qazir kóbine kásipkerler arasyndaǵy daýlar boıynsha shaǵym basym –20%.