Almaty qalasynyń jergilikti atqarý organdarymen Qazaqstan Respýblıkasy Qarýly Kúshteriniń ofıserlik quramynyń laýazymdaryn jınaqtaý boıynsha is-sharalardy irikteý júrgizilýde.

Qazaqstan Respýblıkasynyń Úkimetiniń 2017 jylǵy 31 tamyzdaǵy "Áskerı qyzmetke zapastaǵy ofıserlerdi shaqyrý týraly" №531 qaýlysyna sáıkes zapastaǵy ofıserlerdi áskerı qyzmetke shaqyrý jumystary jasalyp jatyr.

Qazaqstan Respýblıkasynyń Qarýly Kúshteriniń qajettilikterine baılanysty irikteý is-sharalary artılerıa jáne medısına mamandyqtary boıynsha kandıdattar usynylady. 2017 jyly Qazaqstan Respýblıkasy Úkimetiniń qaýlysynyń qosymshasyna sáıkes áskerı-medısınalyq qyzmetke 100 zapastaǵy ofıser men 50 artıllerıst shaqyrý tártibimen shaqyrylady.

Almaty qalasy boıynsha 22 medısınalyq jáne 14 artıllerıst sala mamandary tartylǵan. Zańnamaǵa sáıkes zapastaǵy ofıserler quramynyń qyzmet etý merzimi 2 jyl. Bul áskerı qyzmetke jasy 29 deıingi er azamattar qabyldanady. Qazaqstan Respýblıkasy Qarýly Kúshteriniń ofıserlik quramynyń laýazymdaryn jınaqtaý úshin zapastaǵy áskerı mindettilerdi irikteý 2012 jylǵy 16 aqpandaǵy №561 "Áskerı qyzmet jáne áskerı qyzmetshilerdiń mártebesi týraly" QR Zańynyń 32-babyna sáıkes júrgiziledi. Kandıdattar aýdandyq jáne qalalyq medısınalyq kýálandyrýdan ótedi. Sonymen qatar psıhologıalyq test tapsyrady.

Zapastaǵy ofıserler áskerı qyzmetin ótkerý kezeńinde áleýmettik qamtamasyz etýdiń mynadaı jeńildik quqyqtary qarastyrylǵan: zattaı múlik úlester normalary, jalǵa alý úshin kepildik ótemaqy, ofıserlerge aqshalaı úles, eki jalaqy mólsherinde kóterme járlemaqy, ústemaqylar, syıaqylar jáne basqa da áleýmettik járdemaqylar. Osyndaı kórsetkishte Qarýly Kúshteriniń qatary kún sanap ósip keledi. Atalǵan irikteý is-sharalary aǵymdaǵy jyldyń sońyna deıin jalǵasady.

Qarlyǵash Musabekqyzy,

Almaty qalasynyń qorǵanys isteri jónindegi departamenti