Pensılvanıa shtatyndaǵy ýnıversıtet, Nanán tehnologıalyq ýnıversıteti jáne Rıo-de-Janeıronyń Federaldy ýnıversıteti men basqa da jeti ǵylymı mekeme ǵalymdarynan turatyn Halyqaralyq ǵylymı top shybyndardyń adam úshin óte qaýipti bakterıalardy tasymaldaıtynyn anyqtady dep habarlaıdy Qamshy.kz aqparat agenttigi tengrinews.kz-ke silteme jasap.
Buǵan deıin de shybynnyń qaýipti bakterıalardy tasymaldaıtyny belgili bolǵan. Alaıda ǵalymdar shybyndardyń odan da qaýipti bakterıa tasymaldaıtynyn anyqtady.
Ǵalymdar Ońtústik, Soltústik Amerıkada jáne Eýrazıada ustap alynǵan et jáne bólmede ushyp júretin 116 shybynnyń mıkrobıomasyna taldama jasady. Zertteý nátıjesinde, bakterıalardyń kóbi shybyndardyń tabanynda jáne qanatynda bolatyny anyqtaldy. Bólme shybyndary 351 qaýipti mıkroaǵzany tasymaldaıtyny belgili boldy. Al etke qonatyn shybyndar – 316.
Ǵalymdar zertteý nátıjesin eskere otyryp, shybyndardyń buǵan deıin tasymaldaıtyn aýrýlardan da qaýipti jáne kóp aýrý túrin tasymaldaıdy degen qorytyndyǵa kelgen. Shybyn Helicobacter pylori bakterıasyn tasymaldaıdy. Odan kóptegen ishek, asqazan aýrýlary paıda bolady.
