Tanymal prodúser, telejúrgizýshi, aktrısa Baıan Esentaeva  1974 jyly Oral qalasynda 9 qańtarda dúnıege kelgen. Kishkentaı kúninen aktrısa bolýdy armandaǵan, alaıda anasy oǵan qarsy bolady. Anasy Baıannyń muǵalim bolǵanyn qalaıdy.  Baıan ata-anasynyń qalaýymen muǵalimdik oqýǵa túsedi. Biraq, úsh jyldan soń ata-anasyna aıtpaı, qujattaryn alyp, teatr ınstıtýtynyń kıno fakúltetine túsedi. Ata-anasyna bul shyndyqty jarty jyldan soń aıtady. Baıan Esentaevany teatr ınstıtýtynda oqyp júrgen kezdiń ózinde «Mahabbat stansıasy» atty fılmge basty rólde oınaýǵa shaqyrady. Fılm 1993 jyly jaryq kóredi. Sol kezde 18 jasar Baıandy búkil Qazaqstan tanıdy.

Aktrısa bolý armany oryndalǵan Baıan Maqsatqyzy ózin jýrnalısıka salasynda synap kórmekshi bolyp, QazUÝ jýrnalısıka fakúltetine túsedi. Jeti jyl jýrnalıs bolyp jumys atqarady. Sonymen qatar,  ózin ánshi retinde de synap kórgen. «Azıa daýsy», «Jas qanat» sekildi baıqaýlarǵa qatysqan. Qazir Baıan Esentaeva — ataqty prodúser. «Kesh You», «Lashyn», Janar Duǵalova syndy tanymal  jobalary bar. Sondaı-aq, «Ǵashyq júrek», «Ǵashyq júrek-2″ «Ostorojno, korova!»  kınolarynyń da prodúseri.

Biz de jan-jaqty talantty Baıan Maqsatqyzyn búgingi týǵan kúnimen quttyqtaımyz. Shyǵarmashylyq tabystar men mol baqyt tileımiz!

Osy oraıda Baistars saıty  Baıan Esentaeva týraly qyzyqty 7 derekti usynady:

1. Eń alǵashqy túsirgen beınebaıany — «Azbýka lúbvı».  Baıan  alǵashynda  án aıtyp , «Azıa daýsy», «Jas qanat» baıqaýlarynda baǵyn synap kórgen. Alaıda eń alǵashqy beınebaıanyn 2009 jyly «Lafala»  tobymen «Azbýka lúbvı» ánine túsirgen. 

 2. Telearnadaǵy qyzmetin «Tan» arnasynan bastaǵan. Alǵashqy júrgizgen baǵdarlamasy — «Jeltyı salon».  «Tan» arnasyna jumysqa qabyldanǵanǵa deıin birneshe jerde jumys istegen. 2008 jyly «Tan» arnasyna jumysqa qabyldanyp, eń alǵash ózin telejúrgizýshi retinde «Jeltyı salon» baǵdarlamasynda synaǵan.

3. Týǵan jeri Oraldan Almatyǵa ketýine jaýapsyz mahabbat sebepker bolǵan. Oralda júrgende bir jigitke qatty ǵashyq bolǵan. Alaıda jaýapsyz mahabbattyń áserinen Almatyǵa ketýge naqty bel býǵan.

4. Ýnıversıtetten 3 ret shyǵaryp jibergen. Oqyp júrgende basqa qyzdardyń tarapynan kóptegen keri áserler tıgen. Osynyń saldarynan 3 ret oqý ornynan shyǵarylǵan. Keıinnen qaıta qabyldanǵan.

5. Baıanǵa sińlisi Baǵym Mýhıtdenova prodúser bolýdy usynbaǵanda, ánshiligin  jalǵastyrýy múmkin edi. Eń alǵash sińlisiniń usynysyna Baıan mán bermegen. Ekinshi ret aıtqanda, oılanyp, eger 1 kún ishinde qarajat tapsa, prodúserlikti qolǵa alatynyn aıtqan jáne kerekti aqshany sol kúnde taýyp, jańa isti qolǵa alǵan. Qazir tanymal prodúser.

6. Jaryn anasy tańdapty. Anasy birinshi kórgen kezden qyzyna laıyqty ekenin túsingen. Baıan anasynyń tańdaýyna qarsylyq kórsetpeı, kelisken. Qazirgi tańda 2 qyz tárbıelep otyrǵan aıaýly ana, súıikti jar.

7. Prodúser retinde tek qyzdarmen jumys isteıdi. Prodúserlikti qolǵa alǵaly beri tek qyzdarmen jumys jasaıdy. Sebebi, uldardan áli kúnge deıin oıynan shyǵatyn jigit kezdestirmegen. Eger naǵyz talantty tapsa, jumys jasaıdy.