«Latyn álipbıine kóshý qazaq tilin áıgilep qana qoımaı, kókjıegin de keńeıtedi. Men basqa elderge barǵanda qanshama qazaq dıasporasynyń aqparat alýda kedergilerge tap bolayp jatqandyǵyn kórdim» deıdi «Nur Otan» HDP hatshysy Erlan Qarın «Amanat» ıntellektýaldyq klýbynyń kezekti otyrysynda.  

«Nur Otan» hatshysynyń aıtýynsha, qazaq tili latyn álipbıine kóshken kezde avtomatty túrde aqparattyq keńistigi keńeıe túsedi. Qytaı, Túrkıadaǵy jáne basqa jaqtaǵy qazaq jastaryna jol ashylady dep otyr.

«Biz bul máseleni buryn da kóterdik. Biraq, tek paıdaly, paıdasyz qyrlaryn ǵana alyp keldik. Endigi rette, naqty bir sheshimge keletin bolamyz. Elbasy Joldaýynda 2025 jyldan bastap latyn álipbıine kóshýdi bastaý kerektigin aıtty. Áıtse de, memleket basshysy bul bastamany osy sátten bastap qolǵa alý kerektigin meńzedi» deıdi E.Qarın.