Shetelde boı tasalap júrgen jemqorlardy elge qaıtarý – ár memleket úshin aktýaldy máselege aınalǵan. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov Astanada ótken xalyqaralyq konferensıada jemqorlyqqa qarsy is-áreketter máselelerin talqylaý barysynda aıtty, dep jazady Qamshy.kz aqparat agenttigi.

Onyń sózine súıensek, qazirgi ýaqytta deffrasıalaý jáne sheteldik bankterdegi ıeleriniń shottaryn anyqtaý boıynsha belsendi jumystar atqarylyp jatyr.

Sońǵy jylda shetelge qashqan 205 jemqordyń 152-si elge qaıtarylǵan. Áli kúnge deıin jemqor mınıstrler men ákimder shetelde tyǵylyp júr. Olardyń barlyǵy 8 mlrd dollardan astam qardyny jymqyryp ketken.

«Árıne, birinshi kezekte uıymdasqan qylmystyq toptyń jetekshisi Áblázov pen Hrapýnovtardy atap ótken jón. Búginde olar saıası baspananyń arqasynda jazadan qutylyp ketemiz dep oılaıdy. Biraq biz olardyń jazadan qutyla almaıtynyna senimdimiz. Biz sheteldik áriptesterimizben birlese otyryp, árbir jemqordyń tıisti jazasyn beremiz, - dedi Qaırat Qojamjarov.

Osy ýaqytqa deıin Qazaqstan jemqorlar men olardyń aktıvterin qaıtarý boıynsha 40-tan astam memleketpen xalyqaralyq kelisimdi rásimdedi. Áriptesterdiń ishinde Ispanıa, Túrkıa, Ońtústik Koreıa, Birikken Arab Ámirlikteri, Lıtva jáne taǵy basqa elder bar.

Qojamjarovtyń aıtýynsha, Áblázov osy jyldyń maýsymynda sot sheshimimen aıypty dep tanyldy.

«Onda Ábilázovpen, onyń sybaılastarynyń memlekettik búdjetten mıllıardtaǵan qarjyny alyp shyqqandary týraly sqema kórsetilgen. Qazirgi tańda ol shetelde júr, alaıda biz Ba prokýratýra jáne ózge de organdarmen birlese otyryp, Ábláovty sot aldyna ákelý úshin jumystar atqarýdamyz. Bul isimiz oń nátıjesin beretinine senimdimin», - dedi Qojamjarov.