Bir sátte múgedek kúıeýi men aýrý balasymen jalǵyz qalǵan áıeldiń basynan ótken oqıǵasyn Qamshy.kz aqparat agenttigi Lenta.rý-ǵa silteme berip jazady.
Dmıtrıı úılenip, kez kelgen otbasy sıaqty bala-shaǵaly bolýdy qalaǵan. Alaıda Qudaı jubaıy ekeýine egiz syılaǵan. Eń qıyny, olardyń qyzdary Alına aman-esen týylsa, uldary Artýr tunshyǵyp, tiri qalýy ekitalaı bolǵan. Uldary aman qalsa da, densaýlyǵynda aqaý bary anyqtalǵan.
Osy ýaqyttary áıeldiń jubaıy qurylysta aıaǵyn syndyryp, onyń aıaǵyn ampýtasıalaýǵa (kesýge) týra kelgen. Bir sátte múgedek kúıeýi men aýrý balasymen jalǵyz qalǵan áıel ómiri jaıly bylaı deıdi:
«Kúıeýimiz ekeýimizdiń tanysýymyz qyzyq boldy. On eki jyl júzin kóremegen qurbymdy áleýmettik jeli arqyly taýyp alyp, onyń úıine qonaqqa barǵan bolatynmyn. Qurbymmen sóılesip, tanysyp bolǵan soń, ol maǵan qazir úıge bir jigit keledi, sol jigitti qaıyn sińlimmen tanystyramyn dedi. Bir kezde álgi jigit, (esimi Dıma eken) úıge kirip keldi: kıimi usqynsyz, kir, denesi boıaý - jumystan kele jatyr eken. Amandastyq ta, men ary qaraı ydys jýyp kettim. Biraz ýaqyt ótken soń, qarasam, kıimin aýystyryp alyp, jeıde kıip alypty.
Eń qyzyǵy, qurbymnyń qaıyn sińlisimen qosylýdyń ornyna ol menimen qosyldy»-deıdi áıel.
«Men birinshi nekede 8 jyl turdym. Birinshi nekeden balalarymyz bolǵan joq, keıin ajyrasyp kettik. Bir kúni dostarym habarlasyp basqa qaalǵa shaqyrdy. Bizge kel, jumys ta, jaqsy qyz da taýyp beremiz dedi. Dostarymnyń úıine qonaqqa bardym, sóıtsem aldymda sup-sulý qyz tur. "Mássaǵan!" dedim. Odan keıin sulý qyz óz úıine qaıtyp ketti. Habarlasyp turdyq, sodan keıin úılendik»-deıdi Dmıtrıı.
"Balalarymyz týyldy. Bir emes birden ekeý buıyrdy. Bir jaǵynan qýanyshty jańalyq bolsa, ekinshi jaǵynan kókeıde qorqynysh boldy. Olar týyla sala, jumysta aıaǵymdy syndyryp aldym. Qurylysta júrgende satydan qulap aıaǵym shyǵyp ketti. Aýrýhanada aıaǵymdy kesemiz dedi. Jalpy barlyǵy 13 ota jasaldy. Júre almadym. Balalarymdy otyryp qaraıtyn boldym. Ózim bala sıaqty qaýqarsyz boldy da qaldym"-deıdi eki balanyń ákesi múgedek bolyp qalǵan Dmıtrıı.
«Egizder bolatynyn bilgende shoshydym. Júktilik men úshin aýyr boldy. Búıregim aýyrǵandyqtan, olardy kóterý qıyn boldy. Bosanǵan kezde de qatty qınaldym. Balalarym ýaqytynan buryn dúnıege keldi. Dárigerler ulymnyń aman qalýy ekitalaı dedi. Jansaqtaý bóliminde bir jarym aı jattyq. Aýrýhanadan shyqtyq, Artýr ulym aman qaldy. Qazir eki balam da eki jasta. Qyzym sóıleıdi, al ulym bolsa bir nárseni birneshe ret aıtqanda ǵana estip, keıbir nárselerdi túsinbeı júrdi. Dárigerlerge baryp qaralǵan soń, ulymnyń estý qabileti nashar ekeni anyqtaldy. Emdelip júrdik. Sol ýaqytta ulym qaıta aýyryp qalyp, estýi tipti nasharlap ketti. Arnaıy appart quralyn satyp alyp endi sonyń kómegimen Artýr jaqsy estıtin boldy»-deıdi eki balanyń anasy.
Biz kúıeýim ekeýmiz, balalarymyzben jamandyq jaıly oılamaý kerek dep esepteımiz. Mahabbat pen jaqsy kóńil-kúı ǵana adamǵa kúsh beredi. Ashtyqtan basqanyń barlyǵyna tózýge bolady. Biz taǵdyrdyń kez kelgen synaǵyna daıynbyz deıdi áıel.
