25 jastaǵy Sılvıa Batallanyń sábıi kóz jumǵanda, áıeldiń balasyn jerleý úshin aqshasy bolmaǵan. Sol sebepti Sılvıa sábıdiń denesin paketke salyp, ózi dúnıege kelgen Pýebla qalasyna jetkizbek bolady. 140 shaqyrym jolda áıel óli sábıdiń denesin avtobýsta ustap otyrǵan. Bul týraly jergilikti BAQ jazady.
Sılvıa syrqat sábıin aman saqtap qalý maqsatynda ony ortalyq aýrýhanaǵa aparmaq bolady. Alaıda sábı aýrýhanaǵa jetpeı júrek aýrýynan qaza tapty. Taksıge aqshasy bolmaǵan áıel sábıdiń denesin týǵan qalasynda jerleý úshin avtobýspen jetpek bolǵan.
Muny bilgen avtobýs júrgizýshisi jaǵdaıdyń mán-jaıyn túsinbeı aldymen polıseı qyzmetkerlerine habarlasady. Keıin sábıdiń uzaq ýaqyttan beri óli jatqany anyqtalyp, áıeldiń avtobýstan túsýine týra keledi.
