Qazaqstandyq azamat pen onyń sybaılasy fermerdi óltirip, keıin óli deneni shoshqalarǵa jem qylǵan. Bul týraly RIA Novostı Omsk oblystyq prokýratýranyń baspasóz qyzmetine silteme jasap habarlaıdy, dep jazady Qamshy.kz aqparat agenttigi.

«Omsk oblystyq soty Qazaqstan Respýblıkasynyń 40 jastaǵy azamaty men Omsk oblysy Lúbınsk aýdanynyń 43 jastaǵy azamatshasyna qatysty qylmystyq is boıynsha úkim shyǵardy», - delingen habarlamada. Er adam 17 jylǵa qatań tártiptegi kolonıaǵa qamaldy. Al onyń kámelet jasqa tolmaǵan úsh balasy bar sybaılasy jalpy rejımdegi kolonıaǵa 9 jylǵa qamaldy.

Vedomstvonyń málimetine súıensek, kúdiktiler Lúbınsk aýdanynyń turǵyny 57 jastaǵy fermerdi tonamaq bolady.

Ózderiniń jantúrshigerlik josparyn jup 2017 jyldyń 14 aqpanynda iske asyrdy. Ol ýaqytta er men áıel fermerdiń kompanıasynda áýlıe Valentın kúnin toılap jatqan kórinedi. Sóıtip fermerdiń aqshasyn tonamaq maqsatta Qazaqstan azamaty ony qylqyndyryp óltiredi.

Óz qylmystaryn jasyrý úshin fermerdiń denesin shoshqa fermasyna aparyp, janýarlarǵa jem qylady», - dep habarlandy prokýratýrada.

Al fermerdiń joǵalǵany jaıynda polıseı qyzmetkerleri birneshe kúnnen keıin biraq bildi. Kúdiktiler óz kinálaryn moıyndyp, fermerdiń 200 myń rýblin tonaǵanyn aıtty.