«Mılan», «Monako», «PSJ» fýtbol komandalarynda oınaǵan, 1995 jyly «Altyn dop» ıegeri atanǵan Djordj Vea Lıberıanyń prezıdenti boldy. 51 jastaǵy saıasatker prezıdenttik saılaýdyń ekinshi týrynda jeńiske jetken, dep jazady Qamshy.kz aqparat agenttigi.
Ol – aty ańyzǵa aınalǵan fýtbolshy. 1990 jyldary Eýropanyń eń úzdik oıynshysy atanǵan. 1995 jyly Vea «Altyn dop» ıegeri bolǵan eń alǵashqy afrıkalyq fýtbolshy retinde ataǵy shyqty. Ol ýaqytta «PSJ» komandasynyń atynan shyǵyp júrdi. Al 1995 jyly «Mılan» komandasyna ótip, Italıanyń eki chempıonatynda da jeńiske jetti. Sóıtip, ol 125 úzdik fýtbolshylar tizimine endi.
1995-2003 jyldar aralyǵynda azamattyq soǵys boldy. Vea bul ýaqytta Anglıa, Fransıa, BAÁ-daǵy mansabyn aıaqtaǵan. Biraq urys barysynda zardap shekken jandarǵa kómek qolyn tıgizip júrdi. Sondaı-aq afrıkalyq memleketterdi aralap, jaǵdaıy tómen otbasylarǵa qolynan kelgenshe kómektesip turdy. Sol ýaqytta fýtbolshy sport mansabyn aıaqtaǵan soń saıasatqa bet buratynyn bilip te, sezip te júrgen. «Tájirıbem bolmasa da, jaqsy istermen aınalysqym keledi: Lıberıa turǵyndary eshteńeden tarlyq kórmese eken deımin, jaryǵy da, otyny da túgel bolsa...», - degen edi Vea.
Sóıtip, Vea «Demokratıalyq aýysym kongresi» partıasyn qurdy da, ózin joǵarǵy laýazymdaǵy úmitke retinde usyndy. Jańa saıasatkerdiń kampanıasy aýqymdy boldy – ol myqty degen jazýshynyń óziniń qolynan kelmegen el bilmeıtin mekenderge baryp, aqparat jınap júrdi. Rsy maqsatta Vea King FM radıosy men Clar tv telearnasyn ashty. Telearna Djordjdyń áıeliniń atymen ataldy.
Alaıda Vea saılaýda jeńilis tabady. Alǵashqy týrda 23,7 paıyz daýys jınaǵan, al onyń qarsylasy Djnonson Serlıf 14,9 paıyz jınaǵan. Ekinshi týrda Djonson Serlıf fýtbolshydan 59,5 paıyzben asyp tústi. Vea saılaýdyń ádiletsiz ótkenin alǵa tartyp, narazylyq bildirgen. Biraq afrıkalyq odaq onyń narazylyǵyn qabyldamady. 2011 jyly taǵy baǵyn synamaq bolady. Bul joly partıa dıplomat Ýınston Tabmendi tańdady.
Saılaýǵa deıin Vea AQSH-qa baryp, memlekettik basqarý, saıasattaný jáne menedjment salalarynyń qyr-syrymen tanysyp qaıtady. 2014 jyly kishigirim jeńiske qol jetkizdi – Montserrado graftyǵy senatorynyń kreslosy buıyrady. Sóıtip «Úmit jolynda ózgerý» saılaýaldy naýqanyn ótkizedi.
Halqynyń súıispenshiligine bólenip, jastardyń pirine aınalǵan Djordj Vea 2017 jyly prezıdenttik saılaýda 38,4 paıyz daýyspen jeńiske jetti.
«Otbasyma, dostaryma, saılaý aldynda qoldaý kórsetken barsha jaqtaýshylaryma alǵysymdy bildiremin», - dep jazdy Vea óziniń Tvıtterdegi paraqshasyna.
Aıta keteıik, búginde 51 jastaǵy Vea «Altyn dop» ıegeri atanǵan alǵashqy fýtbolshy.
