Jýyrda prodúser Baıan Alakózova «Qozy Kórpesh - Baıan Sulý» hıkaıasynyń túsirilimin aıaqtady.   Atalmysh kınotýyndynyń  qoıýshy-operatory - Aleksandr Rýbanov. Kartınanyń qoıýshy-rejısseri - Darhan Sárkenov. 

 Kógildir ekrannan kórinis alǵan atalmysh kınotýyndyǵa kórermender tarapynan túrli pikirler aıtylýda. Jolymbet Mákish esimdi Facebook qoldanýshysy óz paraqshasynda otandyq kınoǵa qatysty pikirin jazdy, dep jazady Qamshy.kz aqparat agenttigi. 

«Qozy Kórpesh-Baıan sulý» deıtin fılmniń alǵashqy úsh mınýtyn kórdim. Sol da jetedi eken. Kınonyń basyndaǵy eki qyzdyń sóz saptaǵany da, tili oryssha shyqqan adam qusap ejiktep sóılegeni de sumdyq endi. Tap-taza kálka! Prodúser Baıanǵa olar qazaqsha keremet sóılep turǵandaı bolyp kóringen shyǵar. Óıtkeni onyń óziniń tili de jetisip turǵan joq qoı. Fılmge ol týra sondaı «rakýrspen» qarap, sumdyq áser alǵan sekildi. Kınonyń tili osyndaı kemtar, dúbára birdeme bolyp shyǵypty. Tipti, ana qyzdyń kózin tóńkergen qylyǵyna deıin qalanyń orystanǵan ortasyndaǵy qyzdardyń qylyǵy týra. Aktrısalar da obrazǵa kire almaǵan. «Obrazǵa kire almaǵan» deımin, myna fılmniń senarıin de oryssha jazyp alyp, qazaqsha aýdarǵan ba, nemene? Tilderi de, sóılegen sózderi de jatyq emes, jattandy. Kınoda da «otqan, jatyrǵan, oıaq, buıaq» deıtin birtúrli maqammen ottap otyr. Aktrısalardyń júzinde uıańdyq joq. Túrlerinen orystanǵan ortanyń betbaq bolmysy ǵana baıqalady. Baıandy mundaı nársege jolatpaý kerek edi. Qazirgi ómirdiń búkil «qoqsyǵyn» kınoǵa ákep tóge salypty. Uıat-aı, ákeń! Baıan, Baıan degenge..... Bárin qurtypty ǵoı...» dep jazdy jeli qoldanýshysy.