Sezgen soń taza kóńilden,
Dúnıeniń mynaý jalǵanyn.
Ózime laıyq ómirden,
Ertemen tabyt tańdadym.
Keýdemnen "qusym" ushqan kún,
Jasańdar ony altyndap.
Órtenip ishi dushpannyń ,
Boılary tursyn qaltyldap.
Kúnám bolmasa moınymda,
Uly uıqyǵa bataıyn.
Qasıetti jerdiń qoınynda,
Shirimeı tánim jataıyn.
Basqadan bólek aıtam án,
Taý bolyp, baıtaq dalam bop,
Ǵasyrlar ótip qaıtadan,
Turaıyn altyn adam bop.
Muqash Qojahmetuly
