Perý eliniń burynǵy prezıdenti Alberto Fýhımorı 79 jasynda óz halqynan keshirim surady dep habarlaıdy Qamshy.kz aqparat agenttigi. 

«Iá, men óz joǵary deńgeıde dep baǵalanǵan jumysymnyń  shynaıy nátıjesin jaqsy bilemin. Sonymen birge men sheteldegi otandastarymnyń úmitin aqtaı almadym», deıdi Perýdiń eks-prezıdenti.

Fýhımorı 1990-2000 jyldar aralyǵynda Perýdi basqarǵan.  Ol eldegi opozısıaǵa qarsy jantúrshigerlik jazalaý sharalaryn qoldanǵan. 2007 jyly eks-prezıdent jemqorlyqqa qatysy bar degen aıyppenn 6  jylǵa bas bostandyǵynan aıyrylyp, túrmege toǵytylǵan. Keıin onyń jaza merzimi adam quqyǵyn taptaǵany úshin 6 jyldan 25 jylǵa uzartyldy.

Bıyl Fýhımorı raqymshylyqqa ilinip merziminen buryn bostandyqqa shyqty. Osy jaıtqa baılanysty halyq qarsylyq aksıasyn ótkizdi. Perýlikterdiń kópshiligi eks-prezıdenttiń jaza merzimin tolyq ótep shyqqanyn qalaıdy.

«Raqymshylyq maǵan qatty áser etti. Men qatty qýanyshtymyn ári búkil halyqtyń aldynda uıattymyn. Men halyqtan keshirim suraımyn», dep sózin aıaqtady eks-prezıdent.