Italıa prezıdenti Serdjo Mattarella el parlamentin merziminiń aıaqtalýyna baılanysty taratyp jiberdi dep habarlaıdy 24.kz. Biraq negizi qos palatanyń jumys isteý merzimi resmı túrde kelesi jyldyń naýryz aıyna deıin jalǵasýy kerek bolatyn. Sheshim memleket búdjeti týraly zańdy bekitýge baılanysty qabyldanyp otyr. Osyǵan qatysty el prezıdenti konstıtýsıaǵa sáıkes úkimet basshysy Paolo Djentılonımen jáne palata spıkerlerimen kezdesip, olardyń qoldaýyna ıe boldy.
Al jańa parlamentti saılaý kelesi jyly naýryzdyń 4-inde ótýi múmkin. Ol ýaqytqa deıin qazirgi úkimet basshysy Paolo Djentılonı óz mindetin atqara beretin bolady. Sarapshylar bolsa parlamenttiń taratylýy ekonomıkalyq turǵydan álsiz damyp kele jatqan Italıada saıası turaqsyzdyqty saqtap, 2013 jylǵy partıalardyń úkimetti qurylymdaı almaý oqıǵasy qaıtalana ma dep otyr.
