Qazaqstan musylmandary dinı basqarmasynyń tóraǵasy Serikbaı qajy Oraz Qamshy.kz aqparat agenttiginiń jetekshisi Bilál Qýanyshpen kezdesti.

Kezdesýde jýrnalıs Bilál Qýanysh Bas múftıdi jańa qyzmetimen quttyqtap, syıǵa qamshy tartý etti.

Bas múftı ǵalamtordyń qoǵamdaǵy róli men mańyzyna toqtalyp, Dinı basqarmanyń ıgi jobalary men josparlary týraly baıandap berdi.

«Dinı basqarmanyń ıgi jumystaryna árdaıym aqparattyq qoldaý kórsetip kelesizder. Óz atymnan aıryqsha alǵys bildiremin. Jylaǵannyń muńyna ortaqtasatyn eń birinshi din qyzmetkerleri men jýrnalıser. Sondyqtan, bizdi biriktiretin maqsattar kóp. Shyǵarmashylyq ıeleri qoǵamdy jaqsylyqqa shaqyryp, izgilikke úndese ımandy, izgi qoǵam qurylady. Alla Taǵala el ıgiligi úshin jasap jatqan qyzmetterińizge bereke bersin», – dedi Bas múftı Serikbaı qajy Satybaldyuly.

Jýrnalıs Bilál Qýanysh Dinı basqarmanyń jumystaryn qoldaıtynyn, árdaıym aqparattyq qoldaý jasaýǵa daıyn ekenin jetkizdi. Sonymen qatar, qaıyrymdylyq baǵytyndaǵy jobalardy birlesip iske asyrýǵa ýaǵdalasty.