Seýlde Astanadaǵy EKSPO-2017 kórmesinde koreı pavılonynyń jumysyn uıymdastyrǵan Koreıa azamattary marapattaldy, dep Azattyqqa súıene otyryp jazady Qamshy.kz aqparat agenttigi. Ǵalymdar, dızaınerler jáne stýdentter Astanada ótken kórmege sińirgen eńbegi úshin Ońtústik Koreıa úkimetinen alǵys aldy.
Saltanatty marapattaý rásiminde saýda, ónerkásip jáne energetıka mınıstrliginiń ókilderi Ońtústik Koreıanyń EKSPO-2017-ge qatysýy sátti bolǵanyn atap ótti. Tańǵy samal eliniń pavılony eń kóp tamashalanatyn nysandar tizimine kirdi. Ony shamamen 560 myń adam kórgen.
Sonymen qatar Halyqaralyq kórmeler búrosy Ońtústik Koreıa pavılonyn «Úzdik dızaıny úshin» qola medalmen marapattady. Pak Bón Djýn, dızaınerlik kompanıanyń ókili: - Eger Astana EKSPO 2017-ni Mılan men Shanhaı kórmelerimen salystyrsaq, Qazaqstandaǵy kórermenderdiń minezi ashyq.
Bir nársege qyzyqsa, kóńilin jasyrmaı bildiredi. Uıymdastyrýshylardyń jaqsy jumysynyń arqasynda Astanadaǵy kórme sátti ótti. Kompanıamyz qoıylǵan mindetterdi sátti oryndaǵany úshin syılyqqa ıe boldy. Biz úkimettiń osyndaı baǵasyna ıe bolǵanymyzdy maqtan tutamyz.
