Aldaǵy jyly Astanadaǵy taksılerdiń memlekettik nómirlerine biryńǵaı tús qoldanylmaq, dep habarlaıdy elorda ákimdiginiń medıa ortalyǵy.

Bul týraly Astana qalasynyń Jolaýshylar kóligi basqarmasynyń qaladaǵy taksı qyzmetiniń jumysyn qorytyndylaý týraly ótkizgen jıynda belgili boldy.

«2018 jyly taksılerdiń memlekettik nómirlerine biryńǵaı túster gammasyn qoldaný bóliginde ózgertýler men tolyqtyrýlar engizýdi josparlap otyr.

Álemdik tájirıbe kórsetkishter boıynsha, damyǵan barlyq elderinde avtomobıl taksılerimen jolaýshylar men bagajdardy zańdy tasymaldaıtyn taksı kólik quraldaryna memlekettik tirkeý nómirlik belgilerine biryńǵaı tústi gamma qoldanylady. Osyndaı jańa engizýler jolaýshylar men qadaǵalaý organdaryna zańsyz tasymaldaýshylar arasynda resmı taksılerdi ajyratýǵa múmkindik beredi», - delingen basqarma taratqan habarlamada.

Sonymen birge, aldaǵy ýaqytta qaladaǵy taksı kólikteri gazǵa kóshiriledi.

Búgingi kúni 150 kólikke gazbalondyq qural ornatyldy. 2018 jyly shamamen 500 taksı avtomobılderin gazǵa aýystyrý josparlanýda.