Brıtanıalyq boksshy Bıllı Djo Sonders (26-0, 12 KO) 2018 jylǵa qandaı tilek tileıtinin aıtty, dep habarlaıdy Qamshy.kz aqparat agenttigi Sports.kz saıtyna silteme jasaı otyryp. Ol armandaıtyn jekpe-jekter tiziminiń basyna qazaqstandyq Gennadıı Golovkın (37-0-1, 33 KO) men óziniń kezdesýin qoıdy.
Sondaı-aq Taıson Fúrı (25-0, 18 KO) - Entonı Djoshýa (20-0, 20 KO) jáne Djeıms Dıgeıl (23-2-1, 14 KO) - Djordj Groývz (27-3, 20 KO) jekpe-jekterin kórgisi keledi. Aıta ketelik, Sonders - orta salmaqta WBO nusqasy boıynsha álem chempıony. Orta salmaq dıvızıonynyń absolúttik chempıony bolý úshin Golovkınge jetpeı turǵan da - osy WBO beldigi.
